Ditzionàriu in línia
de sa limba e de sa cultura sarda

pàpi , nm: papu Definition sa cosa de papare, fata po manigare, ma fintzes su chi sa mama batit a is pigionedhos in su niu, bobboi chi si ponet in su latzu po cassare pigiones o àteru animaledhu; una de is duas partes de una tega de is laores chi ndhe faent, sa de mesu, su granu chi si papat, e su sèmene de is frutos cun ossu; su meudhu de su samucu; s'animaledhu de sa cóciula, de sa cotza, de su bucone / min. papixedhu; su papu de sa méndula = (fintzes) genia de obru in su brucitu de su costúmene Synonyms e antonyms màndhicu, impapu, recatu / addescu / chibu, pisu, ranu / cau 1 | ctr. croxu Idioms csn: èssiri sentza de papu e ni croxu = sentza de fundóriu, chentza sustàntzia; èssiri totu croxu e nudha papu = pàrrere bellu ma no bàlere; no ndi bogai papu, de una cosa = no ndhe fàghere atzola, istare faghindhe ma chentza bi resèssere; límpiu che papu de méndula = netu netu Sentences bisatros a "su mànigu" dhi naes "su papu" ◊ su nidu est a puzonedhos e sa mama est batindhe su papu ◊ a chie at bisonzu, papu, bistire e bonumore! ◊ como ca tenes su papu podes carchidare, l'as seguru! 2. dhoi fiat cosa in frori, in papu e in tega ◊ su papu de sa fà portat su nasedhu, sa scròcia e in mesu duas perras ◊ sa méndula mallissa portat duus papus ◊ su scróciu a su meri, su papu a mimi! ◊ de is tres papus iant a èssiri nàscias tres matas 3. eus tentu fillus in papu e in frori Surnames and Proverbs prb: no est su croxu su chi balit ma su papu Etymon ltn. pappus.