Legenda Incurtzaduras | Legenda Sìmbulos

arramigài , vrb: arromigai, arromigare, arrumigai, arrumigare, arrumigari, orromicare, romigai* Definitzione istare matzigandho prus che àteru sa cosa ingúrtia, comente faent unos cantu animales (boes, brebès) chi ndhe dha torrant a buca po dha sighire a matzigare; fintzes papare impresse Sinònimos e contràrios aggrumiai, arronnigae, gramulare, gramunzare, gromigai, grominigai, ramunzare / atafiai, manigare, rosigare Frases su tallu arromigat s'ispina de is pardus ingroghius ◊ ti nci as cracau in cropus cussa fita manna de civraxu: chi no ses arramighendi no iscís istai!… Tradutziones Frantzesu ruminer Ingresu to ruminate Ispagnolu rumiar Italianu ruminare Tedescu wiederkäuen.

gramúzu , nm Definitzione su gramuzare, su istare orrumigandho, matzigandho; sa moidedha chi si faet matzigandho Sinònimos e contràrios gramuzadura, orrúmigu, romigadura, ramunza / mastighinzu, matziamentu 2. candho uchidiant su porcu, sa festa durabat totu sa die, e totu sa die sa crialla e sos mannos istabant a gramuzu 3. a tzia Predutza su gramuzu de su sóriche che l’ischidaiat pistichinzosa Ètimu srd. Tradutziones Frantzesu rumination Ingresu rumination Ispagnolu rumiadura, rumia Italianu ruminazióne Tedescu Wiederkäuen.

ramúnza , nm: ramuzu, remuzu Definitzione su remuzare, su istare orrumigandho, matzigandho Sinònimos e contràrios gramuzadura, gramuzu, romigu Frases sas bacas sunt a ramuzu ◊ su tempus passat a colpos de ramuzu (G.Camboni)◊ in sa funtana bi fint sas crabolas pasendhe a colpu de remuzu 2. si leat cosa in busaca e istat sempre a remuzu ◊ unu muntone de zente oe, in donzi logu, istat a remuzu mastighendhe tzingomma americana Ètimu srd. Tradutziones Frantzesu rumination Ingresu rumination Ispagnolu rumiadura Italianu ruminazióne Tedescu Wiederkäuen.

ramunzàre , vrb: arremuzare, ramuzare, remulzare, remuzare Definitzione istare matzigandho e torrandho a matzigare sa cosa a meda comente faent is animales (es. boes, brebès) chi ndhe torrant su chi ant ingúrtiu po dhu matzigare prus a fine; istare sèmpere a su papa papa, a su màtziga màtziga cun calecuna cosa in buca; in cobertantza istare a su pentza pentza in calecuna cosa Sinònimos e contràrios aggrumiai, arramigai, arronnigae, gramulare, gramunzare, gromigai, grominigai Frases est ramuzendhe su chi che at betadu a corpus 2. mere de liminarzu, remuzas miradas innossentes ◊ ladinos impudhiles mi ant buscadu remuzendhe làgrimas de sale (C.Puddu) Ètimu ltn. *remoliare Tradutziones Frantzesu ruminer Ingresu to ruminate Ispagnolu rumiar Italianu ruminare Tedescu wiederkäuen, herumkauen.

romigài, romigàre , vrb: arramigai, orromigai, rumigare Definitzione istare matzigandho prus che àteru sa cosa ingúrtia papandho, comente faent is animales chi ndhe dha torrant a buca po dha torrare a passare; istare a su papa papa, sèmpere cun calecuna cosa in buca matzigandho, fintzes orrunchinare Sinònimos e contràrios aggrumiai, gramunzare, grominigai, ramunzare / manicare Frases cussu pane risultat romigadu cun murmutos e prus ascrosu de su pane de su cane (S.Are)◊ su mascu apretau, bastit chi siat foras de cuili, romigat pani mancai amucorau! (E.Sanna) 2. a rumigare ant àpidu sa brilla sos pastores e zente illuminada! ◊ is topis iant romigau s'istoja Ètimu ltn. *rumicare Tradutziones Frantzesu ruminer Ingresu to ruminate Ispagnolu rumiar Italianu ruminare Tedescu wiederkäuen, herumkauen.

«« Torra a chircare