Ditzionàriu in línia
de sa limba e de sa cultura sarda

abbíllu , agt Definitzione chi est ischidau, atentu, chi cumprendhet deretu / èssiri abbillu = a s'abbizu, a s'avértida Sinònimos e contràrios abbistu, acatadu, atinadu, bigiagi, ischidadu, ispabillu, schidu, speltu Frases est abarrau abbillu fintzas a mesunoti ◊ notesta no mi dromu: ses abbilla tui puru? 2. est acostendu s'ora chi dognunu cun ogu abbillu si mirit aintru de sèi etotu ◊ a mei no mi dha fais, ca seu abbillu! ◊ no ia a tenni de mi chesciai chi fiat prus abbillu po no si fàiri imbovai 3. mancu is fillus de Salomoni, po cantu abbillus, dhus ant bistius aici Ètimu srd. Tradutziones Frantzesu éveillé, adroit, habile Ingresu wide-awake Ispagnolu despabilado Italianu svéglio, avveduto Tedescu aufgeweckt, umsichtig.

abbístu , agt: abbristu, arbistu, avistu Definitzione chi ischit, connoschet, cumprendhet in lestresa, chi tenet isperiéntzia, chi si acatat: est prus de cabosu Sinònimos e contràrios abbillu, acatadu, àciu, cabosu, ischidadu, ispabillu, sapidu, schidu, speltu | ctr. ballalloe, tontu Frases issa est bella, sàpia che abba, abbista e trabballante! ◊ Francu est un'Autori atentzionosu, iscípidu e abbistu ◊ pro locura a mi crere tantu abbistu fia ispintu ◊ sa maista nos’at tzerriau po nosi nàrrede de dhu mandhare a is iscolas mannas, ca su piciochedhu est abbistu ◊ tue ses malignu, no abbistu, ca malignidade no est abbistesa! ◊ si fint aizu abbistos, si tiant abbizare comente su chi ant fatu est errore ◊ est arbistu in dogni cosa ◊ merxani no si aspetàt unu caboni tanti abbistu! Terminologia iscientìfica ntl Ètimu itl. avvisto Tradutziones Frantzesu adroit, habile Ingresu shrewd Ispagnolu avisado Italianu avveduto, accòrto, intelligènte Tedescu umsichtig.

abbizàghe , agt Definitzione chi istat abbillu, chi si acatat de totu Sinònimos e contràrios abbizósicu, abixanti Frases fit un'ómine abbizaghe e inzeniosu chi podiat agghejare e disatinare ispantamundhos e carravàulas, bentureris e malintragnados (T.Pinna) Ètimu srd. Tradutziones Frantzesu qui s'aperçoit de toute chose Ingresu weary person ?? Ispagnolu perspicaz Italianu che si accorge facilménte di tutto Tedescu umsichtig.

abbizósicu, abbizósu , agt Definitzione chi est de abbizu, chi si acatat de totu, chi istat a s'avértida, a origas allutas, atentu po bíere o intèndhere totu Sinònimos e contràrios abbizaghe, avillante / abbistu, billanti Frases tenzo unu cane abbizósicu ◊ tue, fizu de su pópulu, ses semper abbizósicu ◊ su sindhacau bi fit, ma fit abbizósicu solu pro fàchere pacare sa tèssera! ◊ mancari abbizósicu in medas fainas, no ischio nemmancu cantu fachiat tres punzos de casu a mesupetza s'unu ◊ su cane miu prus abizosu si est dau a zannire coment'e pesàndheche a sirvone Ètimu srd. Tradutziones Frantzesu éveillé, adroit, diligent Ingresu awake, weary person ready ?? Ispagnolu avisado Italianu désto, accòrto, sollécito Tedescu aufgewegt, umsichtig, rasch.

acatàdu , pps, agt: acatau 1 Definitzione de acatare 1; chi si acatat, chi istat atentu de si acatare de totu Sinònimos e contràrios abbillu, abbistu, ischidadu, schidu, speltu / abbizadu, sapidu Terminologia iscientìfica ntl Tradutziones Frantzesu avisé Ingresu shrewd Ispagnolu que se ha dado cuenta, listo, avisado Italianu accòrto Tedescu umsichtig.

apióta , avb: apiotu Definitzione a piotu, a s'apiotu, manera de andhare mautu mautu, abbellu abbellu de no si giare a intèndhere Frases apiotu apiotu is duendas sunt essias ◊ sos duos pisedhos si l'ispiseint a s'apiotu ◊ sa mama ch'esseit a s'apiotu pro no ndhe ischidare sa pitzinna Tradutziones Frantzesu en tapinois Ingresu squatting Ispagnolu con sigilo Italianu quatto, in mòdo circospètto Tedescu sacht, umsichtig.

atensionàu , pps, agt: atentzionadu, atintzionadu Definitzione de atensionare; chi istat atentu, chi giaet o est giaendho atentzione a is cosas Sinònimos e contràrios abbistu, acabadu, apricau, atensionosu, cabosu / cdh. atintziunatu | ctr. disabbutu, isàbbitu, isagherau, sbeliau 2. est unu pisedhu atentzionadu ◊ iscusidimí ca non seu atentzionada! ◊ ti fatzo a ischire chie est s'atintzionadu chi mi che at furadu sos prochedhos ◊ fit atentzionau mascamente a s'ora de tucare Terminologia iscientìfica ntl Tradutziones Frantzesu attentif Ingresu careful Ispagnolu atento, diligente Italianu attènto, avveduto Tedescu aufmerksam, umsichtig.

cautelósu , agt Definitzione chi si movet o chi faet is cosas cun atentzione meda, cunsiderandho bene is cosas innanti de dhas fàere Sinònimos e contràrios arrechetau, cauteladu, gudrebi, sudhítzigu Frases fiat sempri cautelosa cun is istràngius e asseliada ◊ sa virtudi nosí fait cautelosus in dógnia cosa po chi no siaus ingannaus Terminologia iscientìfica ntl Ètimu spn. Tradutziones Frantzesu circonspect, prudent Ingresu cautious, prudent Ispagnolu cauteloso, prudente Italianu circospètto, prudènte Tedescu umsichtig, vorsichtig.

sudhítzigu , agt Definitzione chi tenet sudhu, pidinu, chi est timendho po calecuna cosa chi dhi podet capitare Sinònimos e contràrios cautelosu, sudhidu Frases brinchitendhe sudhítzigu e ciulendhe arriveit su puzone a su nidu Tradutziones Frantzesu circonspect Ingresu wary Ispagnolu circunspecto Italianu circospètto Tedescu umsichtig.