cicidhài , vrb: cincidhai Definitzione bogare o fàere ischintídhias Sinònimos e contràrios cincidhiri, cispai, ischentidhare, ischinchiridhare, scincidhai Frases su fogu est cincidhendi ◊ su ferru arbigau cincidhat candu su ferreri dhu mallat in s'incódina 2. is caus marinus fatuvatu cincidhant asuta de su soli, acabussendi in s'àcua po piscai Ètimu srd. Tradutziones Frantzesu étinceler, scintiller Ingresu to spark Ispagnolu chispear Italianu far scintille, scintillare Tedescu Funken sprühen.

cispài, cispàre , vrb: gispare Definitzione catzare fogu, bogare cispas, ischintídhias Sinònimos e contràrios cicidhai, cincidhiri, ischentidhare, scincidhai Frases Amsícora fit cispendhe lampos de ira in dogni pilu, contr'a sos Romanos ◊ cispat fogu de s'arrennegu ◊ su cadhu cispat fogu e faghet atreghentu Tradutziones Frantzesu scintiller, étinceler Ingresu to twinkle Ispagnolu chispear, centellear Italianu scintillare Tedescu Funken sprühen.

irrusciàre , vrb Definitzione essire a tzurros, benare a forte, a búdhidu Sinònimos e contràrios spendulai, spiciurrai, tzurrai Frases ancora li fit irruscendhe su sàmbene dai sa lanta 2. su perdonu beneitu irrúsciat dae sa fide che funtana (G.Fiore) Ètimu ctl. arruixar Tradutziones Frantzesu jaillir Ingresu to spurt Ispagnolu chorrear Italianu zampillare, sprizzare Tedescu hervorspritzen, sprühen.

ischentidhàre , vrb: ischinditare, ischinnitare, ischintidhare, ischintidhiare, istinchidhiare, ischintzidhare, istinchidhare Definitzione bogare, fàere ischintídhias; fèrrere, imbrutare a ischintídhias, a istídhigos de calecuna cosa Sinònimos e contràrios cicidhai, cincidhiri, cispai, ischintiridhare, istodhicare, scincidhai Frases su fogarone est traghidendhe e istinchidhendhe ◊ bi at linna chi ischentidhat meda, in su fogu 2. no est in sa natura mia su de istinchidhare ◊ che perla de coradhu ses lughente, che críbinu topàtziu ischinnitas (A.Soggiu) 3. est abbarrau totu ischintzidhau e pimpirinau de pistuléssia Ètimu srd. Tradutziones Frantzesu étinceler Ingresu to sparkle Ispagnolu chispear, chisporrotear Italianu sfavillare, far scintille Tedescu Funken sprühen.

modhinàre , vrb: ammodhinae, mudhinare, mundhinare Definitzione cumenciare a pròere, fàere pagos istídhigos, pròere a fine, a istídhigos lascos, fintzes betare àteru a ispergiadura che istídhigos de abba Sinònimos e contràrios aciaviai, arrosinai, cibinare, isprinzulare, istedhiare, lentinare, mirmisiare, pispisinare, proighinai Frases custu manzanu at modhinadu 2. s'aera est modhinendhe piúere niedhu Ètimu ltn. *molliginare Tradutziones Frantzesu pleuviner, pleuvasser Ingresu to drizzle Ispagnolu lloviznar Italianu piovigginare Tedescu nieseln, sprühen.

«« Torra a chircare