Ditzionàriu in línia
de sa limba e de sa cultura sarda

corroschiàre , vrb: corrosciare Definitzione fàere un genia de moida o sorrogu, de sonu, in s'ogroena e in buca torrandho àlidu candho unu est dormiu; fàere una genia de moida a suladura samunandho sa cara cun abba meda Sinònimos e contràrios arroncai, cosconare, currungiai, farroscai, isorroschiare, roschidare, rulciare, sarracrare, sarrascare, surrusare / surbuschiare, suvrusare Frases si t'ingalenas pagu pagu, tue ses deretu corroschiendhe ◊ za corróschias pagu candho ses drommidu!… Ètimu srd. Tradutziones Frantzesu ronfler Ingresu to snore Ispagnolu roncar Italianu russare Tedescu schnarchen.

corróschiu , nm: corróscidu Definitzione sa moida, su sonu chi faet cun s'ogroena, cun sa buca e su nasu unu dormiu respirandho male Sinònimos e contràrios cosconu, forróschiu, isorróschiu, rúschida, sarragu, sorrocru Frases est drommidu a corróschios e benemindhe, paret porcu! Ètimu srd. Tradutziones Frantzesu ronflement Ingresu snoring Ispagnolu el roncar Italianu russaménto Tedescu Schnarchen.

cosconàre , vrb Definitzione fàere una genia de moida, de sorrogu in s'ogroena e in buca torrandho àlidu candho unu est dormiu Sinònimos e contràrios arroncai, corroschiare, currungiai, farroscai, roschidare, sarracrare, sarrascare, surrusare Frases no mi at lassadu drommire ca fit tota note cosconendhe Ètimu srd. Tradutziones Frantzesu ronfler Ingresu to snore Ispagnolu roncar Italianu russare Tedescu schnarchen.

coscónu , nm Definitzione sa moida, su sonu chi faet cun s'ogroena, cun sa buca e su nasu unu dormiu chi respirat male Sinònimos e contràrios corróschiu, forróschiu, rúschida, sarragu, sorroscru Ètimu srd. Tradutziones Frantzesu ronflement Ingresu snoring Ispagnolu el roncar Italianu russaménto Tedescu Schnarchen.

farroscài , vrb: forroschiai, forroschiare Definitzione fàere una genia de sonu sorrogau in su gúturu e in buca torrandho àlidu candho unu est dormiu / forroscai che fodhi = meda, de pàrrere fodhe de frailarzu Sinònimos e contràrios arroncai, borroschiare, corroschiare, cosconare, currungiai, isorroschiare, roschidare, sarracrare, sarrascare, surrusare Frases chini forróschiat si dromit innantis, chini dh’ascurtat a úrtimu ◊ allanaus o forroschendi crocaus babbu e mamma si lassànt pagu! Ètimu srd. Tradutziones Frantzesu ronfler Ingresu to snore Ispagnolu roncar Italianu russare Tedescu schnarchen.

forróschiu, forróscu , nm Definitzione sa moida, sonu, sorrogu o genia de súrbiu chi faet in su gúturu, cun sa buca e su nasu, unu dormiu chi est respirandho male Sinònimos e contràrios corróschiu, cosconu, isorróschiu, rúschida, sarragu, sorroscru Frases tziu Giuanni si nc'istrumpat in su canapei e apustis de unu paghedhu s'intendint is forroscus Tradutziones Frantzesu ronflement Ingresu snore Ispagnolu ronquido Italianu russaménto Tedescu Schnarchen.

roncàre , vrb: arroncai* Definitzione fàere o bogare sa boghe, nau de su burricu; nau de gente, fàere una genia de sonu tra buca e nasu coment'e de sorrogu, dormios Sinònimos e contràrios corrighinare, irronchiare, orriare / corroschiare, farroscai, roschidare, sarrascare Frases bae e ronca, pegus peitundhu! ◊ ronchendhe a mannu faghiant "Ihohn! ihohn!" 2. Frantziscu Ranca, chi a denote roncat, si drommit bisendhe chi at pérdidu sa conca… Tradutziones Frantzesu ronfler Ingresu to snore Ispagnolu roncar Italianu ronfare Tedescu schnarchen.

roschidàre , vrb: ruschidare, ruscidare Definitzione fàere una genia de moida, de sonu a sorrogu in s'ogroena e in buca torrandho àlidu candho unu est dormiu Sinònimos e contràrios arroncai, corroschiare, cosconare, currungiai, farroscai, sarrascare / rusciare Frases drommendhe, roschidaiat coment'e unu porcu Ètimu srd. Tradutziones Frantzesu ronfler Ingresu to snore Ispagnolu roncar Italianu russare Tedescu schnarchen.

rúschida , nf, nm: rúschidu, rúscida, rúscidu Definitzione su sonu a sorrogu chi faet cun s'ogroena, cun sa buca e su nasu unu dormiu chi arrespirat male; assúpidu de isalenadas mannas / rúscidu de refreu = sarragadura Sinònimos e contràrios corróschiu, forróschiu, sarragu, sorroscru / irbúfida, isúlfida Frases isse lasseit sos amigos a rúschida e che esseit a pònnere mente a su trabàgliu ◊ s'intendhiant sas rúschidas de cudhos duos drommidos ◊ fit drommida a rúschida 2. su pudhedru est cadredhendhe a brincos e a rúschidos ◊ a rúscidas sos pudhedros brincant dae mata in mata (B.Truddaju) Ètimu srd. Tradutziones Frantzesu ronflement, ébrouement Ingresu snore, puff Ispagnolu ronquido, el bufar del caballo Italianu russaménto, sbuffo del cavallo Tedescu Schnarchen, Schnauben.

sarracràre , vrb: assorrocare, sarragai, sarragare, sarragiare, serragare, serregai, serrocare, sorrocare, sorrocrare, sorrogai, sorrogare, sorroxare, surragare Definitzione fàere sa boghe iscannia, grussa, pèrdere sa boghe; fàere una genia de moida, de sonu in s’ogroena e in buca torrandho àlidu candho unu est dormiu Sinònimos e contràrios arragai, arrughire, asserraxare, assorrogare, inserregare, isarrogai / arroncai, corroschiare, cosconare, currungiai, farroscai, roschidare, sarrascare, surrusare Frases ant cantadu fintzas a si ndhe sarragare ◊ chentza boche, sorrocraos, sichiant a bochinare 2. coment'e unu portzedhu sorroganno, gai est su tonu de sa boghe tua! Ètimu ltn. *subraucare Tradutziones Frantzesu enrouer, ronfler Ingresu to be hoarse, to snore Ispagnolu ronquear, roncar Italianu fare ràuco, èssere ràuco, russare Tedescu heiser sein, schnarchen.

sarrascàre , vrb: serrescare, sorrescrare, sorroscai, sorroschiai, sorrosciare, sorroscrare, sorruschiai, sorruschiare, sorrusciare, surruscai, surruschiai, surruschiare Definitzione fàere una genia de sonu in s'ogroena e in buca torrandho àlidu candho unu est dormiu: nau de su cuadhu, fàere una genia de istúrridu coment'e timendho Sinònimos e contràrios corroschiare, farroschiai, roschidare, sarracrare Frases fiat sorruschiendi a seti cannas ◊ a úrtimu dhoi fut sa genti surruschiendu chi pariat un'acorru de procus! ◊ sos pastores sunt in su pinnetu drommios sorrosciendhe ◊ est drommidu sorrosciandhe a grussu Tradutziones Frantzesu ronfler Ingresu to snore Ispagnolu roncar Italianu russare Tedescu schnarchen.

sorrócru, sorrócu , nm: assorrocu, sorrogu, sorroxu Definitzione sa moida o sonu chi faet cun s'ogroena, cun sa buca e su nasu unu dormiu chi arrespirat male; boghe grussa de male a su gúturu Sinònimos e contràrios corróschiu, cosconu, forróschiu, rúschida, sarragu, sorroscru Frases totu assonniscaos, medas si furint imbarados in is mesas e s'intendhiant a sorrogu Ètimu srd. Tradutziones Frantzesu ronflement, enrouement Ingresu snoring, hoarseness Ispagnolu ronquido, ronquera Italianu russaménto, raucèdine Tedescu Schnarchen, Heiserkeit.

sorróscru , nm: sorrúschiu, surrúschiu, surrúsciu Definitzione sa moida o sonu chi faet cun s'ogroena, cun sa buca e su nasu unu dormiu chi arrespirat male Sinònimos e contràrios corróschiu, forróschiu, isorróschiu, rúschida, sarragu, sorrocru Frases sa mutzere fit dorminne a sorroscros Ètimu srd. Tradutziones Frantzesu ronflement Ingresu snoring Ispagnolu ronquido Italianu russaménto Tedescu Schnarchen.