Ditzionàriu in línia
de sa limba e de sa cultura sarda

ammaniàda , nf Definitzione su ammaniare Sinònimos e contràrios aprontamentu, preparamentu Ètimu srd. Tradutziones Frantzesu préparation Ingresu preparation Ispagnolu preparación Italianu preparazióne Tedescu Vorbereitung.

ammanitzaméntu , nm Definitzione su ammanitzare Sinònimos e contràrios ammanionzu, ammanitzu, ammàniu 1, apariciamentu, aparéciu, aprontadura, faurígiu, preparonzu Ètimu srd. Tradutziones Frantzesu apprêts, préparatif Ingresu preparation Ispagnolu aprontamiento Italianu apprestaménto, preparativo Tedescu Vorbereitung.

ammanítzu , nm Definitzione su ammanitzare, sa cosa ammanitzada / s'a. de sa cojada noa, de sa criadura = s'atzivu, totu su chi serbit a sa cojada noa, a sa criadura noa Sinònimos e contràrios ammanitzamentu, ammàniu 1, aparéciu, codromíngiu, cuncordatu / achipàgiu, aciva, asciugàriu, pannamenta, spóliu, spúglia 2. teniat s'ammanitzu prontu pro isposare Ètimu srd. Tradutziones Frantzesu préparation, trousseau Ingresu preparation, outfit Ispagnolu preparación, ajuar (isposa), canastilla (pipiu) Italianu allestiménto, corrèdo Tedescu Vorbereitung, Aussteuer.

ammàniu 1 , nm Definitzione totu su chi si faet innanti e po pòdere fàere unu trebballu, una faina, fintzes sa faina etotu Sinònimos e contràrios ammanitzamentu, ammanitzu, aparàgiu, aparéciu, faurígiu, preparonzu Frases unu ladus de su porcu l'ant istérriu in sa mesa pro s'ammàniu ◊ su mannale si ndhe abbizavat dae s'ammàniu chi fit a l'uchídere Ètimu srd. Tradutziones Frantzesu préparatif Ingresu preparation Ispagnolu preparativo Italianu preparativo Tedescu Vorbereitung.

aparéciu , nm: aparíciu, aparitzu Definitzione su aprontare una cosa o is cosas; is cosas chi si ponent puru, aprontandho, fintzes sa manera de arrecire a ccn.; genia de aina o màchina po fàere calecuna cosa / sos aparitzos (de sa mesa) = tialla, pratus, cullieras, frochitas, gortedhus, tassas, tratabbucus Sinònimos e contràrios ammanitzamentu, ammanitzu, ammàniu 1 / acasàgiu / imbentu, ordíngiu Frases s'aparíciu si fait innantis ◊ si depit cunfessai e comunigai cun aparíciu e devotzioni ◊ ge mi praxit pagu candu biu aparíciu de festa!… 2. a su fillu dhi at fatu unu bellu aparíciu candu est torrau a domu Ètimu srd. Tradutziones Frantzesu préparatif Ingresu preparation, contrivance Ispagnolu preparativo, aparato Italianu preparativo, congégno, dispositivo Tedescu Vorbereitung, Vorrichtung.

codromíngiu , nm Definitzione preparamentu de calecuna cosa Sinònimos e contràrios ammanitzu, ammàniu 1, imminzu, ordiminzu Frases tenit dogna arratza de codromíngiu Ètimu srd. Tradutziones Frantzesu préparatif Ingresu preparation Ispagnolu preparativo Italianu preparativo, allestiménto Tedescu Vorbereitung.

cuncodradúra , nf Definitzione totu su chi si faet aprontandho po calecuna cosa Sinònimos e contràrios ammanitzu, ammàniu 1, ammanitzamentu, codromíngiu Frases chi iat postu in menti a imi, de cussa scrafuialla no ndi dhui fiat andada a cuncodrai: e cuncodradura puru! Ètimu srd. Tradutziones Frantzesu préparatifs Ingresu preparation Ispagnolu preparativo Italianu preparativo Tedescu Vorbereitung.

cunvíu , nm: cuviu, cúviu Definitzione is primas cosas chi si faent de una faina, sa cosa chi si aprontat; su aprontare, s'incuru po calecuna cosa Sinònimos e contràrios comintzada, comintzu, inghitzu / ammanitzamentu, ammanitzu, ammàniu 1, aparéciu / contibizu 2. semus che bamas chentza cuviu e ne ghia ◊ a sa chi fuit in allerga bajania e deviat atzivire su cuviu a mente frimma, lestra sa manu curriat pro achipire in s'arminzu ◊ so ispetendhe sa manu chi mi diat cuviu e volontade de afrontare sa vida ◊ sa cosa la fint arreanne dae meta e sos cúvios fint belle e orditos Tradutziones Frantzesu mise en train, préparation Ingresu starting, preparing Ispagnolu puesta en marcha, arrnque, preparativo Italianu avviaménto, preparativo Tedescu Beginn, Vorbereitung.

preparaméntu , nm Sinònimos e contràrios ammanionzu, ammanitzamentu, apariciamentu, aprontamentu, preparonzu Tradutziones Frantzesu préparation Ingresu preparation Ispagnolu preparación Italianu preparazióne Tedescu Vorbereitung.