Legenda Incurtzaduras | Legenda Sìmbulos

acíva , nf: atziva Definitzione totu is trastos de una cojuada noa Sinònimos e contràrios asciugàriu, pannamenta Frases còmpora cantu cheres note e die: arrecadas, collanas e acivas Ètimu srd. Tradutziones Frantzesu trousseau de jeune fille Ingresu trousseau Ispagnolu ajuar, equipo Italianu corrèdo da spòsa Tedescu Aussteuer.

ammanítzu , nm Definitzione su ammanitzare, sa cosa ammanitzada / s'a. de sa cojada noa, de sa criadura = s'atzivu, totu su chi serbit a sa cojada noa, a sa criadura noa Sinònimos e contràrios ammanitzamentu, ammàniu 1, aparéciu, codromíngiu, cuncordatu / achipàgiu, aciva, asciugàriu, pannamenta, spóliu, spúglia 2. teniat s'ammanitzu prontu pro isposare Ètimu srd. Tradutziones Frantzesu préparation, trousseau Ingresu preparation, outfit Ispagnolu preparación, ajuar (isposa), canastilla (pipiu) Italianu allestiménto, corrèdo Tedescu Vorbereitung, Aussteuer.

asciugàriu , nm: sciugàriu Definitzione su bene, totu is trastos de sa cojuada noa: istrégiu, trastos, bestimentu, mobbília e àteru Sinònimos e contràrios aciva, ammanitzu, pannamenta Ètimu spn. axuuar Tradutziones Frantzesu trousseau de jeune fille Ingresu trousseau Ispagnolu ajuar, equipo Italianu corrèdo della spòsa Tedescu Aussteuer.

spogliédhu , nm, nf: ispolliedhu*, spolliedha Definitzione ispolliedhu, s'atzivu, totu su bestimentu de su pipiedhu: camisola, giponedhu, pannitzu, latzada, cambúsciu, e àteru Sinònimos e contràrios ammanitzu, ispòglia, spóliu Terminologia iscientìfica bst Tradutziones Frantzesu layette, trousseau Ingresu layette Ispagnolu canastilla Italianu corredino da neonato Tedescu Babyausstattung.

spúglia , nf: ispòglia*, spulla, spúllia Definitzione is trastighedhos po su pipiedhu: su cambúsciu, is fàscias, camisedha e giponedhu, su cuacedhu, is pannícius Sinònimos e contràrios ammanitzu, spogliedhu, spóliu Frases si est imbeciara cosendi spúglias e corredus po is àteras Tradutziones Frantzesu layette, trousseau Ingresu layette Ispagnolu canastilla Italianu corredino Tedescu Babyausstattung.

«« Torra a chircare