Legenda Incurtzaduras | Legenda Sìmbulos

aciuntúra , nf: agiantura, agiuntura, atzuntura, azuntura, giuntura, zuntura Definitzione su aciúnghere, su pònnere impare duas cosas a manera de ndhe fàere una ebbia; tretu inue una cosa est o paret aciunta (in sa carena, totu is annoigadòrgios), su singiale de comente dh'ant aciunta; sa parte aciunta; fintzes sa cosa aciunta, sa de prus Sinònimos e contràrios agiuntadura, annaghidura, annantura / annodricadorju, annuadórgiu, arte 1, innoigadórgiu, nigradroxu Frases cust'aciuntura est mali fata ◊ los aiat apitzicatos goi vene chi non si latiat mancu sa taca de s’agiantura 2. s'agiuntura de sos benujos, de sos pes, de sos pódhighes 3. sa nura est aciuntura, in sa parentalla Terminologia iscientìfica crn Ètimu srd. Tradutziones Frantzesu articulation Ingresu joint Ispagnolu juntura, articulación Italianu giuntura, articolazióne Tedescu Verbindung, Gelenk.

agiuntàda , nf Definitzione su agiuntare, su aciúnghere duas cosas apare acapiadas, cosias o àteru) Sinònimos e contràrios agiuntadura Ètimu srd. Tradutziones Frantzesu union, jonction Ingresu union, connection Ispagnolu unión Italianu unióne, congiunzióne Tedescu Vereinigung, Verbindung.

annaghidúra , nf: annanghidura Definitzione su pònnere o acapiare totu impare, una cosa cun s'àtera; parte de su corpus inue un’arremu, un'ossu, faet giogu cun s'àteru Sinònimos e contràrios aciuntura, agiuntadura, annantura, annodricadorju, annuadórgiu, arte 1, atacadura, nigradroxu Terminologia iscientìfica crn Ètimu srd. Tradutziones Frantzesu jointure Ingresu link Ispagnolu juntura, articulación Italianu giuntura, congiunzióne Tedescu Verbindung.

collegaméntu , nm: colligamentu, cullegamentu Definitzione su collegai, su pònnere impare o unire duas cosas, una cosa cun s'àtera, andhare cun su pentzamentu de una cosa a s'àtera po calecunu motivu; genia de raportu inter duas cosas, duos fatos, coment'e càusa e efetu Frases sos filos de sa lughe sunt istérridos ma cherent fatos totu sos cullegamentos ◊ no dh'as inténdiu ca nanca est arribbau su dinai a carretonis a bidha, ci fiat povintzas sa televisioni in collegamentu diretu?!… 2. medas de custos males teniant unu cullegamentu cun sa morte Tradutziones Frantzesu liaison Ingresu connection Ispagnolu enlace, conexión (f) Italianu collegaménto Tedescu Verbindung.

cropadúra , nf Definitzione su pònnere a loba, su acapiare impare (pruschetotu is boes a su giuale)/ c. de ribos = ue duos errios si betant apare Sinònimos e contràrios agiobadura, cropada Ètimu srd. Tradutziones Frantzesu jonction Ingresu junction Ispagnolu unión Italianu congiunzióne, congiungiménto Tedescu Verbindung.

ligaméntu , nm Definitzione su ligare; cosa chi serbit po acapiare, a poderare impare duas o prus cosas, nau fintzes de intessidura de sa carena, de unu chistionu Sinònimos e contràrios acapióngiu, acàpiu, prendhidura Ètimu srd. Tradutziones Frantzesu lien Ingresu ligament, tying (up) Ispagnolu ligadura, ligamento Italianu legaménto Tedescu Bindung, Verbindung.

«« Torra a chircare