búdhidu , nm: búdhiu Definitzione s'abba, o àteru, comente si ndhe inartat in s'istrégiu budhindho Sinònimos e contràrios budhidura, budhu Maneras de nàrrere csn: iscapai su búdhidu = comintzare a budhire; èssiri a búdhidu (segundhu de ite si narat)= esserebbei a meda Frases donai unu búdhidu a calincuna cosa ◊ sos búdhidos de su mústiu faghiant sumire sas doas de sa cuba ◊ s'àcua de sa pingiada at giai iscapau su búdhidu ◊ a su merlutzu dhi donas unu budhiredhu, e fatu! ◊ boit donau unu búdhidu e apustis postu in forru 2. issu contat ca, candu fut sordau, in su letu dhoi iat pínnixi a búdhidu (G.Mura) Ètimu srd. Tradutziones Frantzesu ébullition Ingresu ebullience Ispagnolu hervor Italianu ebollizióne Tedescu Sieden, Kochen, Siedepunkt.

budhidúra , nf Definitzione su budhire, su fàere budhire; su pònnere in giru calecuna nova, calecuna chistione / una b. de abba = abba chi si moet coment'e budhindhe Sinònimos e contràrios budhimentu, budhinzu, budhionzu, budhoria Frases su cafè unu tempus lu faghiant a budhidura Ètimu srd. Tradutziones Frantzesu ébullition Ingresu boiling Ispagnolu ebullición Italianu bollitura Tedescu Sieden, Kochen.

budhiméntu , nm Definitzione su budhire; fintzes movimentu, tréulu Sinònimos e contràrios budhidura, budhoria, iscróchinu Maneras de nàrrere csn: b. sullenu = budhimentu pàsidu, a fogu lenu; su b. de s'àxina = incubonadura Frases gheta unu pagu de àcua a sa pingiada po firmai su budhimentu o abàscia su fogu ca aspetaus unu pagu a nci ghetai is macarronis! 2. sciera totu su budhimentu de sa genti Ètimu srd. Tradutziones Frantzesu bouillonnement Ingresu boiling Ispagnolu ebullición Italianu bolliménto Tedescu Sieden, Kochen.

budhínzu , nm Definitzione su budhire, su istare budhindho Sinònimos e contràrios budhimentu, budhionzu, budhoria Frases su labiolu de sa peta fit budhendhe a bumbuglione e s'intendhiat s'ischimuzu de su budhinzu Ètimu srd. Tradutziones Frantzesu bouillonnement Ingresu boiling Ispagnolu ebullición Italianu bolliménto Tedescu Sieden, Kochen.

budhiónzu , nm Definitzione su budhire, su istare budhindho Sinònimos e contràrios budhidura, budhimentu, budhoria Ètimu srd. Tradutziones Frantzesu ébullition Ingresu boiling Ispagnolu ebullición Italianu bollitura Tedescu Sieden, Kochen.

budhíre 1, budhíri , vrb: vudhire Definitzione artzare o pesare su búdhidu comente faet s'abba in istrégiu chi portat fogu asuta; giare un'iscotada a fogu; còere o mantènnere cosa in s'abba budhindho; si narat de su mustu puru, siat candho est in su cupone e siat candho est in sa carrada ma faet ancora ispuma; sentire coment'e abbruxore in sa carre po fogu o àteru Sinònimos e contràrios fudhire Maneras de nàrrere csn: iscapai a b., pesare a b. = pesare su bullu, comintzare a budhire; b. a sollenu = a fogu lenu Frases s'abba no est budhindhe: àrtziali su fogu! ◊ candho s'abba est budhindhe bètache sos macarrones ◊ s'àcua est budhendi a cróculus in sa pingiada ◊ s'erbuzu cheret budhidu, piscadu e cundhidu 2. su binu est budhindhe in sa cuba 3. custu fogu a tropu mi est budhindhe Sambenados e Provèrbios prb: a fortza de budhiri sa pingiada s'iscrobecat Ètimu ltn. bullire Tradutziones Frantzesu bouillir, fermenter Ingresu to boil, to ferment Ispagnolu hervir Italianu bollire, lessare, fermentare Tedescu sieden, kochen, gären.

«« Torra a chircare