Legenda Incurtzaduras | Legenda Sìmbulos

nabía, nabíu , nf, nm: naviu Definitzione mezu mannu de trasportu po andhare in mare de pòdere ingòllere cosa e gente meda; unu tanti de naves Sinònimos e contràrios bastimentu, nae 1 Maneras de nàrrere csn: bàrriu, gàrrigu che nabiu, a nabiu = meda (nadu fintzas de àrbure pro su frutu chi at batidu); zúchere bella nabia = èssere bellu, imbénnidu, gàrrigu; mògheresi che nabiu = abbellu, pàsidu, cun dificurtade Frases ti abbizas chi in su mundhu ses colau chentza lassare trata, che nabiu (B.Filindeu)◊ naviu apas in portu! ◊ si in cue frimmamos su naviu nisciunu a domo nostra torrat biu 2. cust'orju est de messare: ite bella nabia chi zuchet! ◊ grassa comente fit si moghiat che nabiu Terminologia iscientìfica trps Ètimu spn. Tradutziones Frantzesu navire Ingresu ship (s) Ispagnolu barco, buque, navío Italianu nave, navìglio Tedescu Schiff.

nàe 1 , nf: nai 2, nave, navi Definitzione mezu mannu de trasportu po andhare in mare de pòdere ingòllere cosa e gente meda, o fintzes fruniu de armamentos a iscopu de gherra / sa parte de fundhu inue si ponet su gàrrigu = pajolu; fai s'àrburi de sa nai = fàghere s'àrbure ritza (inartare ambos peis ponendho in terra amdaduas manos) Sinònimos e contràrios bastimentu, nabiu Frases sa nae blindhada resistit a sos siluros ◊ in altu mare pone nae e tòrrandhe cun pesu ricu! (Limbaresu)◊ tet àere pontes in totu sos mares e naes peri totu sos trainos…◊ si est postu in tróglia pro agatare duos postos in sa nae ◊ s'intras in su mare a vela isparta che afundhas cun sa nae! (M.Murenu)◊ s'istrasura iat traghillau sa navi: fut impossíbbili arresisti a su bentu ◊ su bentu at istorradu sas naves Terminologia iscientìfica trps Ètimu ltn. nave(m) Tradutziones Frantzesu navire Ingresu boat Ispagnolu barco, buque Italianu nave Tedescu Schiff.

navàda , nf Definitzione partimenta de longu in fràigos mannos, mescamente crésias, a manera de dhue arresurtare muru o pilastros o colonnas a filera in mesu Frases est una crésia a cruxi latina a tres navadas Tradutziones Frantzesu nef Ingresu nave Ispagnolu nave Italianu navata Tedescu Schiff.

«« Torra a chircare