debódu , nm Definitzione su no àere prus istima o amore po calecuna cosa o ccn., fintzes su dèpere lassare una cosa Sinònimos e contràrios | ctr. istima Tradutziones Frantzesu mésestime Ingresu disesteem Ispagnolu desapego Italianu disistima Tedescu Mißachtung.

inzénzu , nm: inzerzu, irgenzu, irghentzu, irghenzu, irgrenzu, irzenzu Definitzione genia de neghe, pecu de sa carena, o fintzes de sa manera de fàere de sa persona; cosa chi si narat o chi si faet a befa, po fàere a bregúngia a unu Sinònimos e contràrios abbenzu, defeta, dellezu, ilzunzu, isvenzu, mendhea, peca 1 / menisprésiu | ctr. bàntidu Frases cussu pisedhu tenet irghenzu ◊ cussu zòvanu est s'irghenzu de s'ereu! ◊ teniat s'irghentzu de èssere fitianu cun sos cumpantzos e no poniat aficu a s'istúdiu 2. su canóligu Mele at cumpostu gosos a irzenzu de sos Lodeinos ◊ tribbulei note e die ingullendhe piantu e inzenzos (C.Meridda)◊ as retzidu un'afrenta fata a prou: custu inzenzu no ti l'as a olvidare mai! ◊ cussu at a èssere su risu e s’irgrenzu de totus ◊ isse no si misciaiat a sos befajolos ca pro su piús fit leadu a inzerzu Ètimu ltn. ingenium Tradutziones Frantzesu mépris Ingresu scorn Ispagnolu defecto, desprecio Italianu disprègio Tedescu Mißachtung.

«« Torra a chircare