Ditzionàriu in línia
de sa limba e de sa cultura sarda

pibicíri , nm: pibinciri, pibintzíli, pibintzíri, pibiritziri, pibítzile, pibitziri Definitzione genia de bobboi de tantas calidades, longhitu, a bortas mannu cantu unu pódhighe, cun duas cambas longas longas e cun is alas: si movet a brínchidos e a bolu puru, ponet sa cria in terra, est tímiu ca dhue at annadas chi ndhe naschit a meda e si che papat s'erba, is laores, tra s'acabbada de su beranu e s'intrada de s'istade / su mali de is pibitziris = male manigantzinu, fàmine sempre; còscias de pibitziri (nau de genti) = còscias finis Sinònimos e contràrios ateribilche, mammagràida, pibisiu, telaporca, tziabróssima, tzilibrínchidi, tzimpilighe Frases candho fio zòvanu brincaio coment'e unu pibintziri ◊ Giuanni Batista papàt meli marigosu e pibinciri ◊ comenti at fatu a ndi sprondi a innòi cussu pibitziri? Terminologia iscientìfica crp Ètimu srd. Tradutziones Frantzesu sauterelle Ingresu grasshopper Ispagnolu saltamontes Italianu cavallétta Tedescu Heuschrecke.

telapòrca , nf Definitzione genia de pibitziri matucu Sinònimos e contràrios ateribilche, mammagràida, pibiciri, pibisiu, tziabróssima, tzilibrínchidi, tzimpilighe Frases sas telaporcas fint cantandhe ◊ fit camminandhe abbellu, pompiandhe a terra pariat chi no cheriat ischertzare sas telaporcas chi bi fint Terminologia iscientìfica crp Tradutziones Frantzesu locuste Ingresu locust Ispagnolu langosta Italianu locusta Tedescu Heuschrecke.

tilibílche , nm: (su t. = nr. sutilibílche) ateribilche silipirche, tilibirche, tilibische, tilipilche, tilipirche, tilipircu, tiliprighe, tilipische, tiribricu, tzilibiche Definitzione genia de bobboi (upm) de tantas calidades, longhitu, a bortas mannu cantu unu pódhighe, cun duas cambas longas longas a serronedhu e cun is alas: si movet a brínchidos e a bolu puru, ponet sa cria in terra, est tímiu ca dhue at annadas chi ndhe naschit a meda e si che papat s'erba, is laores, tra s'acabbada de su beranu e s'istade Sinònimos e contràrios mammagràida, pibiciri, pibisiu, pirigòlgia, telaporca, tziabróssima, tzilibrínchidi, tzimpilighe Frases piús che in Roma cristianu, tilibilche in Sardigna mi cheria (S.Baldino)◊ sartiabant su muru coment'e tilipirches ◊ su tilipirche a totu dat aggheju, arroinat su póberu massaju: no si salvat nemmancu su mudeju! ◊ tilipirche maltzosu, totu distrues peus de su fogu! (P.Masia)◊ su tilibirche s’annu beniat a nues, in tempus de messonzu Terminologia iscientìfica crp, dociostaurus maroccanus, calliptamus italicus Tradutziones Frantzesu sauterelle Ingresu grasshopper Ispagnolu saltamontes Italianu cavallétta Tedescu Heuschrecke.

tzilibríchi , nm: ateribilche, tilibilche* Definitzione genia de bobboi de tantas calidades, longhitu, a bortas mannu cantu unu pódhighe, cun duas cambas longas longas e cun is alas: si movet a brínchidos e a bolu puru, ponet sa cria in terra, est tímiu ca dhue at annadas chi ndhe naschit a meda e si che papat s'erba, is laores, tra s'acabbada de su beranu e s'istade Sinònimos e contràrios mammagràida, pibiciri, pibisiu, telaporca, tziabróssima, tzilipische, tzilibrínchidi, tzimpilighe / cdh. tzilibricu Frases cussu a sos massajos bis pretendhet in pagamentas su chi no che at ispérdiu su tzilibrichi! Terminologia iscientìfica crp Tradutziones Frantzesu sauterelle Ingresu grasshopper Ispagnolu saltamontes Italianu cavallétta Tedescu Heuschrecke.