Legenda Incurtzaduras | Legenda Sìmbulos

allisàda , nf: allisiada, allixada Definitzione su allisare Sinònimos e contràrios allisadura, allisamentu Frases su pitzinnu andhat a si pompiare in s'ispricu e si dat un'allisiadedha a pilos Ètimu srd. Tradutziones Frantzesu bichonnage, attifement Ingresu smoothing down Ispagnolu alisadura Italianu lisciata Tedescu Glätten.

allisài, allisàre , vrb: allisciare, allisiare, allixare, lisai Definitzione fàere lisu, passare ccn. cosa po fàere bellu unu materiale; nau in cobertantza, cricare de pigare sa gente cun imbrímbinos, a frandhigos, abantandhodha po si lassare cumbínchere Sinònimos e contràrios apianare, illisiare, impranai / allosingai, frandhigare, improsae, insabonai, lígnere Frases su paone cun su bicu si allixat sa… persone! ◊ is perdas de s'arriu dhas at allisadas s'àcua ◊ cussu códulu est allixadu dae s'abba ◊ allixare sos pilos 2. indeosadu mi l'isto a s'allixa allixa faedhèndheli che a fémina in camixa Ètimu srd. Tradutziones Frantzesu polir, flatter Ingresu to smooth, to toady to Ispagnolu alisar, adular Italianu levigare, lisciare, adulare Tedescu glätten, schmeicheln.

allisaméntu , nm: allixamentu Definitzione su fàere sa cosa lisa, su allisare Sinònimos e contràrios allisada, allisadura, allisionzu, aplanadura, pulidura Ètimu srd. Tradutziones Frantzesu polissage Ingresu smoothing Ispagnolu alisamiento Italianu levigaménto Tedescu Glätten.

allisiónzu , nm Definitzione su allisare, su trebballu de allisare Sinònimos e contràrios allisadura, allisamentu / aglianadura, aplanadura Ètimu srd. Tradutziones Frantzesu polissage Ingresu smoothing Ispagnolu alisamiento Italianu levigatura, levigaménto Tedescu Glätten.

apranaméntu , nm Definitzione su apranare, su fàere lisa sa cosa Sinònimos e contràrios aglianadura, allisamentu, allisionzu, aplanadura Ètimu srd. Tradutziones Frantzesu polissage Ingresu smoothing Ispagnolu levigación Italianu levigaménto Tedescu Glätten.

illisiàre , vrb: illissiare Definitzione aparigiare, fàere lisu, passare ccn. cosa po fàere bellu; fintzes fuire de manos, nau de cosa lisa Sinònimos e contràrios allisai Frases innantis de rispòndhere, mannoi si at illissiadu sa barba ◊ seo abbaidanne una codedha illisiada de riu 2. custa cosa ti che illísiat che un'ambidha! Tradutziones Frantzesu lisser Ingresu to smooth Ispagnolu alisar Italianu lisciare Tedescu glätten, polieren.

impraniaméntu , nm Definitzione su impraniare; nau in cobertantza, manera de fàere po si fàere amigos o ammodhigare is àteros Sinònimos e contràrios aglianadura, allisamentu, allisionzu, apranamentu / lintura 2. eo puru servendhe a tantos meres apo imparadu s'impraniamentu (D.Mele) Ètimu srd. Tradutziones Frantzesu adulation Ingresu smoothing, flattery Ispagnolu alisamiento, adulación Italianu levigaménto, adulazióne Tedescu Glätten, Schmeicheln.

«« Torra a chircare