Legenda Incurtzaduras | Legenda Sìmbulos

allúta , nf Definitzione su allúere (de su fogu, de una lughe o àteru, fintzes de su pentzamentu); dificurtade manna, su si agatare in apretu o arriscu malu Sinònimos e contràrios acispada, aframata, alluchetada, allumada, tenta / apretu, arriscu Frases s'alluta chi at fatu su fogu, za at coitadu a budhire, s'abba! ◊ in tzertos momentos si at coment'e un’alluta de atuamentu (N.Falconi) 2. si ndhe aiat bidu, de allutas, in sa vida sua: a candho at bidu bochindhe zente, a candho s'est agatadu in gherra, a candho che lu fit trazendhe su riu! ◊ si ndhe at bidu, de allutas, Pontetzu: pessa chi l'apo connotu deo a che li colare s'abba fintzas subra! Ètimu srd. Tradutziones Frantzesu flambée Ingresu serious danger, burst of flame Ispagnolu llamarada, peligro Italianu fiammata, grave perìcolo Tedescu Flamme, große Gefahr.

fiàra , nf Definitzione fogu tenendho, sa fràmula chi faet; in cobertantza, genia de sentidu chi si provat in s'ànimu Sinònimos e contràrios fiaca 1, fiama, pampa Frases sa fiara si est pesada a cadharida ◊ custa est sa lughe de sa fiara ◊ mariposa ch'inghírias sa fiara, fue dae sa candhela! ◊ apenas abbasciaiat sa fiara si poniant a brincare su fogarone 2. fisti su sole chi in sa povertade isparghiat fiaras de calore ◊ cantas fiaras dae coro tou!…◊ est sempre atzesa sa fiara de s'amore ◊ custos sunt sónnios cun fiara de mezoru Ètimu itl. fiara Tradutziones Frantzesu flamme Ingresu flame Ispagnolu llama Italianu fiamma Tedescu Flamme.

forrédhu , nm: furredhu Definitzione logu fatu adatu in muradura o fintzes a istrégiu de ghisa a pònnere braxa a manera chi su chinisu calet a fundhu e si dhue potzat pònnere pingiada o àteru cun sa cosa a còere: in is trastos modernos de coghina, sa essia inue si allúmiat su gasu e si ponet s'istrégiu, e fintzes lastra de ferru tundha chi imbudhidat a currente; domo de gianas, genia de buidu fatu apostadamente in is orrocas, in is tempos antigórios, po dhue pònnere is mortos Sinònimos e contràrios forratzu 1 / bírghine, furrichesu Frases no che fetzas istudare su fogu ca sa braxa serbit po is forredhos! ◊ tui tupadí sa buca e atendi me is forredhus! ◊ apo postu abba in su forredhu a cheghentare Sambenados e Provèrbios smb: Furreddu Terminologia iscientìfica opan, dmo Ètimu srd. Tradutziones Frantzesu réchaud Ingresu stove Ispagnolu hornillo Italianu fornèllo Tedescu Kocher, Flamme.

«« Torra a chircare