Legenda Incurtzaduras | Legenda Sìmbulos

ifadósu , agt: infadosu, irfadosu, isfadosu Definitzione chi giaet o chi dhue at ifadu, chi est unu segamentu, chi annischitzat Sinònimos e contràrios addeleadu, agghegiosu, apigonau, atzegatzioneri, genosu, imbeléschidu, infinitziosu, ispaborzosu, isvilidu, malostiosu, pibigosu, pibincosu, sciringosu, sportinitzu, tzacarredhu / cdh. ribélviu | ctr. discanciosu, ispelegosu Frases cussos sunt una letranca irfadosa e chin issos no si podet tucare a ube si cheret ◊ no bi at babbautzu prus ifadosu de sa musca ◊ bi at triballos chi no sunt peleosos ma ifadosos Ètimu spn. enfadoso Tradutziones Frantzesu ennuyeux, impertinent Ingresu annoying, cheeky Ispagnolu pesado Italianu fastidióso, tedióso, impertinènte, seccante Tedescu lästig, frech, unangenehm.

matanósu , agt Definitzione chi giaet matana, inzotu, pelea; chi sufrit po is matanas o sa múngia chi leat Sinònimos e contràrios inzotosu, peleosu, trabagiosu | ctr. discanciosu Frases piús che unu triballu matanosu, su laore a Bostianu li pariat unu ritu ◊ longu e matanosu est su chertu contr'a sos nemigos 2. sa vida de su pastore est matanosa Ètimu srd. Tradutziones Frantzesu pénible, fâcheux, ennuyeux, embêtant (fam.) Ingresu annoying, troublesome Ispagnolu penoso, trabajoso Italianu travaglióso, increscióso, seccante Tedescu schwer, unerfreulich.

pibincósu , agt, nm: pipincosu Definitzione chi o chie acostumat a pibincai; chi no lassat nudha nudha chentza de bíere e torrare a bíere, chentza de castiare o fàere benene Sinònimos e contràrios addeleadu, agataredhosu, apioncheri, cantariarzu, genosu, ifadosu, imbeléschidu, ischitetu, mimincheri, nischitzosu, pibincheri, pibincu, sciringosu, tzacarredhu Frases no dhus intendis prus is cantus pibincosus de sa cida santa cun is isciorrocus in s'eca de sa crésia 2. su dotori pibincosu circat dónnia semu po isciri bèni ita tenit su malàdiu Terminologia iscientìfica ntl Ètimu srd. Tradutziones Frantzesu tatillon, ennuyeux, méticuleux Ingresu pedant (ic), meticulous Ispagnolu fastidioso, molesto, quisquilloso, meticuloso Italianu pedante, seccante, tedióso, meticolóso Tedescu pedantisch, lästig, Pedant, gewissenhaft.

«« Torra a chircare