Ditzionàriu in línia
de sa limba e de sa cultura sarda

ifadósu , agt: infadosu, irfadosu, isfadosu Definitzione chi giaet o chi dhue at ifadu, chi est unu segamentu, chi annischitzat Sinònimos e contràrios addeleadu, agghegiosu, apigonau, atzegatzioneri, genosu, imbeléschidu, infinitziosu, ispaborzosu, isvilidu, malostiosu, pibigosu, pibincosu, sciringosu, sportinitzu, tzacarredhu / cdh. ribélviu | ctr. discanciosu, ispelegosu Frases cussos sunt una letranca irfadosa e chin issos no si podet tucare a ube si cheret ◊ no bi at babbautzu prus ifadosu de sa musca ◊ bi at triballos chi no sunt peleosos ma ifadosos Ètimu spn. enfadoso Tradutziones Frantzesu ennuyeux, impertinent Ingresu annoying, cheeky Ispagnolu pesado Italianu fastidióso, tedióso, impertinènte, seccante Tedescu lästig, frech, unangenehm.

libberíncu , agt Definitzione chi est, o foedhat e faet chentza tanti reguardu, chentza tanti arrespetu Sinònimos e contràrios abbistu, atzudu, ciascheri, cistosu, prontudu Frases cun custa limba mia libberinca motivu de cantare no mi mancat (M.Murenu) Tradutziones Frantzesu impertinent Ingresu impertinent, sharp-witted Ispagnolu impertinente Italianu impertinènte, arguto Tedescu frech, ungehörig, scharfsinnig.