creadúra , nf: creatura, criadura, criatura Definitzione pipiu cantu prus piticu, siat de naschidórgiu e fintzes prus matuchedhu de pagos annos Sinònimos e contràrios criatone, criu / cdh. stedhu 1 | ctr. mannu Frases sa fémina est ràida e sa criadura est comintzandhe a s’ingendrare ◊ no si cumprendhet si cudha creatura morta fiat de lompimentu ◊ sa cojada noa at tentu criadura ◊ sas criaduras cherent azuadas ca no si abbalent ◊ a cumandhos gai no mandhes criaduras: bi cheret zente cabosa! ◊ cussas criaturas sunt adduradas òrfanas ◊ a criaturas etotu imparaimis sas fainas Ètimu itl. creatura Tradutziones Frantzesu nouveau-né, enfant Ingresu newborn, toddler Ispagnolu criatura Italianu neonato, piccino Tedescu Neugeborene, Baby.

dhédhu , nm, iscl Definitzione (f. -a) númene chi narant a is pipios, o fintzes a unu mannu in cunfidàntzia, candho s’istimat meda Sinònimos e contràrios dhedhé, ninnu Frases e ita dhi nant a custu dhedhu? ◊ tochendu su baullu, forti at nau: "Ajó chi est ora, dhedhu, de t'iscidai!" e su piciochedhu ndi at resuscitau ◊ dhedhu meu bellu, proite ses pranghindhe? ◊ chi non fais custu tui, dhedha mia, calincunu machiori apu a fai! Tradutziones Frantzesu petit Ingresu toddler Ispagnolu pequeño Italianu piccino Tedescu Kleine.

«« Torra a chircare