cannédhu , nm Definitzione
orrugu de canna de unu nodu a s'àteru o orrugu de css. cosa tundha e buida in mesu che a sa canna etotu; orrugu de canna po imbodhigare su filu de pònnere in s'ispola; istugighedhu a pònnere cosa e fintzes sa cosa chi si dhue ponet aintru; imbodhigu in is pódhighes po no si segare cun sa frache messandho; orrugu de linna prenu, deretu e lisu, de sa grussària de una canna, po tèndhere su pane carasau
Sinònimos e contràrios
cannone,
turturedhu,
túturu
/
cannusca
/
aguzeri
Maneras de nàrrere
csn:
fai cannedhus = imboligare sa trama in sos cannedhos (su cannedhu, pro custu, si ponet in s'ischidoni de fai cannedhus); c. de suposta = cannedhu po obèrriri su canali de s'urina; fai a c. = imboligare carchi cosa (istratzos, pabilu, pane de fresa ifustu) fintzas chi essit tundha e longa che unu cannedhu; c. biancu = itl. nitrato d'argènto, c. biaitu = numenderoca, c. grogu = itl. àcido pìcrico; erba de cannedhus = badàngiu (Lonicera implexa)
Frases
sa pipa zughet su cannedhu pro surzire su fumu
2.
su cannedhu cheret leadu in paris, tendhindhe, ca sinono su pane no essit fine de totunu andhare ◊ pro tèndhere sa cogone bastat una colada de cannedhu e toca!
3.
su pane de fresa ifustu si l'at fatu a cannedhu, manighendhe
Sambenados e Provèrbios
smb:
Canneddu
Ètimu
srd.
Tradutziones
Frantzesu
rouleau (à pâte),
étui
Ingresu
rolling spin,
holder
Ispagnolu
canuto,
cañuto,
rodillo,
fruslero,
estuche
Italianu
cannèllo,
matterèllo,
astùccio
Tedescu
Röhrchen,
Nudelholz,
Etui.
tèndhere , vrb: tèndiri,
tènnere 1 Definitzione
istrecare a alladiare sa pasta fintzes a dha fàere de sa grussària giusta e parívile segundhu sa calidade de pane chi si bolet (o fintzes po fàere a macarrones, es. lisòngias); nau de orrobba o fintzes de àteru, pònnere istérria, istirada; rfl. nau de ccn., su si prestare, giare agiudu / pps. téndhiu, tesu; tèndhere sa manu = (a unu) agiudai, donai una manu de agiudu, ma fintzas ponnirisí a fai faina, aprontai su logu po calincun'àteru trabballu; téndhia de manu = manu de agiudu
Sinònimos e contràrios
acannonare,
incannonare 1
/
atendiai,
ispàlghere,
istèndhere,
istenniare,
istèrrere,
istirai,
stendiai
Frases
tendhindhe su pane a cannedhu cheret chi sas manos fetant fortza paris ◊ a tèndhere bi cheret pratighesa, sinono su pane essit a tretos russu e a tretos fine ◊ a tèndhere su pane como est a màchina ◊ tèndiri pillus de pasta
2.
intrat a samunare e sa robba l'at totaganta tesa e ispalta ◊ Marta fit in su cortile tendhindhe sos pannos chi aiat sammunadu
3.
issu fut sèmpere prontu a si tèndhere po agiudare is àteros
4.
unu massau iat pigau un'incone de terrenu e, brexosu, cumènciat a dhue tèndhere sa manu narbonandhodhu
Ètimu
ltn.
tendere
Tradutziones
Frantzesu
abaisser la pâte avec le rouleau
Ingresu
to roll bread
Ispagnolu
extender la masa
Italianu
spianare la pasta col matterèllo
Tedescu
den Teig mit dem Nudelholz dehnen.