Ditzionàriu in línia
de sa limba e de sa cultura sarda

disacórdiu , nm Definitzione mancàntzia o farta de acórdiu, su èssere de duos pàrreres diferentes, su pentzare o bòllere cosas diferentes; su no torrare apare de duas cosas o chistiones Sinònimos e contràrios biscóidu, iscórriu, iscurrúnciu, iscuncórdia | ctr. acódriu Tradutziones Frantzesu désaccord Ingresu disagreement Ispagnolu desacuerdo Italianu disaccòrdo, dissènso Tedescu Uneinigkeit, Verschiedenheit.

iscónchinu , nm: iscónchiu Definitzione móvia de sa conca a cropu, mescamente candho unu no est de acórdiu cun su chi est intendhendho Sinònimos e contràrios conchinada, isconchinada, isconchizada, isconchizu, sconchiada Frases cudhu andai pistabista, feriveri, arrósciu oi de custus, cras de cudhus, a iscónchius, a murrúngius ◊ candho dhi narant cosa istat a iscónchios de conca ma no arrespondhet Ètimu srd. Tradutziones Frantzesu désapprobation d'un signe de tête Ingresu headshake to dissent Ispagnolu negación con la cabeza Italianu mòssa del capo per dissènso Tedescu mit dem Kopf ablehnen.