Legenda Incurtzaduras | Legenda Sìmbulos

àrula , nf Definitzione logu serrau, acorru, crocadórgiu ue si ponent is màdrias angiadas, abbandha Sinònimos e contràrios aulla, burra 1, cúmbula, salcone Frases oto ómines aiant apertu s'àrula e che fint lendhe sos porcos! ◊ si che fit drommidu a sorróschios chi pariant essindhe dae un’àrula Terminologia iscientìfica pst Ètimu ltn. hara, *harula Tradutziones Frantzesu porcherie Ingresu pigsty Ispagnolu pocilga Italianu porcilàia Tedescu Schweinestall.

boàda 1 , nf: abbuada, buada, bubada, uada, vuvada Definitzione su logu inue si aprigant, si cuant o si crocant is sirbones; cosa cuada / a buadas = a meda Sinònimos e contràrios burda, cala, cuadorzu, fuada, isticarzu, macra, tana Frases est totu ischirritzadu paret essinne de sa boada (Z.Porcu)◊ su porcrabu fit in sa buada ◊ si ch'est intradu a una buada de chessa ◊ custu buscu fit sa buada de sos sirvones ◊ sos sórighes si che ant fatu sa buada in su sacone (S.Bícchiri)◊ una traschia at acumpanzau su mortu a s'úrtima bubada, a campusantu ◊ pro corcare tenent una buada de fenu 2. sa landhe bi est a buadas Tradutziones Frantzesu tanière Ingresu lair Ispagnolu pocilga Italianu covile, cóvo Tedescu Lager.

cerína , nf: cherina, chirina, chirrina, gerina Definitzione logu po pònnere su porcu; logu serrau, genia de acorru cumonale po dhue pònnere bestiàmene tenturau, aciapau faendho dannu; in is cuiles, aprigu ammontau po ammamare e seberare crabitos, angiones, bitellos; dhue at logu chi cherina dhu narant a sa pratza o cortina, su tretu totu asuta de una mata, o fintzes a sa crélica Sinònimos e contràrios acorru, ammamadorju, chirra, crina, irchile, seperadorju / bàgliu / coltina, pratzada Frases de cristianos no ant assimizu, si sunt fatos che porcos in cherina ◊ si est veru chi imbitzadu at a matzone, cunza bene s'anzone in sa cherina! ◊ che ant postu su sirbonedhu in d-una chirina de preda ◊ tenet sa corte cucugiada po as crabas e as cerinas po us crabitedhos 2. si betat custu bandhu: Chie li mancat su zú andhet a cherina ca bi ndhe at unu tenturadu! Sambenados e Provèrbios smb: Cerina, Cirina Terminologia iscientìfica srr Ètimu srd. Tradutziones Frantzesu enceinte, fourrière Ingresu corral Ispagnolu pocilga Italianu recinto per bestiame Tedescu Pferch.

porchíle , nm: prochile, porcili Definitzione aprigu ue si acorrant e ponent is porcos; logu brutu meda Sinònimos e contràrios ammarju, masongile / ttrs. purchiri Ètimu ltn. *porcile Tradutziones Frantzesu porcherie Ingresu piggery Ispagnolu pocilga Italianu porcile Tedescu Saustall.

suíle 1, suíli , nm Definitzione acorru e aprigu, mandra, logu inue si ponent is sues, is màdrias, is porcos Sinònimos e contràrios masongile, porchile Frases biviat intro de una domo e no in d-unu suile ◊ arbili torrat procu a suili Ètimu ltn. suile Tradutziones Frantzesu porcherie Ingresu pigsty Ispagnolu pocilga Italianu porcile, porcilàia Tedescu Schweinestall.

«« Torra a chircare