Ditzionàriu in línia
de sa limba e de sa cultura sarda

afannàdu , pps, agt Definitzione de afannare; chi portat s’afanna, s’assúpidu, chi est arrespirandho a pelea Sinònimos e contràrios aganau, assupau, batimosu, ghemidosu Tradutziones Frantzesu haletant Ingresu panting Ispagnolu jadeante Italianu ansimante Tedescu keuchend.

alenigúrtzu , agt Definitzione chi torrat àlidu a pelea, chi torrat àlidu impresse, assupandho Sinònimos e contràrios assubentau, catragnadu Ètimu srd. Tradutziones Frantzesu poussif Ingresu breathless Ispagnolu jadeante Italianu bólso Tedescu kurzatmig.

assubentàu , agt, pps Definitzione de assubentare; chi est isalidendhe, assupandho; chi est malàidu de assubentu Sinònimos e contràrios addemau, alenigurtzu, alidigurtzu, assuentosu, catragnadu, cosconau, ghemidosu 2. Fiebedhu est totu assubentau a fortza de curri ◊ ndi arribbant assuentaus duus gopais e si arrimant ◊ tenit dobori de conca, de barras, est assubentara e tenit àteru puru ◊ fuidinci, curri fintzas a candu no ses totu assuentada! Tradutziones Frantzesu poussif, haletant Ingresu broken-winded Ispagnolu jadeante Italianu ansante, bólso, asmàtico Tedescu keuchend, kurzatmig.

assupàu , pps, agt Definitzione de assupare; chi est a assúpidu de comente at curtu meda Sinònimos e contràrios afannadu, batimosu, ghemidosu, isalenatu 2. is ogulúxidus s'intragnant, assupaus, apalas de s'iscuriu Tradutziones Frantzesu essoufflé Ingresu panted, panting Ispagnolu jadeante Italianu trafelato Tedescu keuchend.

batimósu , agt Definitzione chi istat a bémida, respirat a pelea, assupandho; nau de su coro: chi est a tochedhos, lestru; nau de is nues e de is undhas puru po su movimentu chi faent Sinònimos e contràrios afannadu, assupau, cosconau, ghemidosu Frases intendho su torrare alenu batimosu ◊ a limba fora, a fodhidas che pegus batimosu, fatu a su cadhu in fua curro ancora Ètimu srd. Tradutziones Frantzesu haletant, asthmatique Ingresu panting Ispagnolu jadeante, anhelante, asmático Italianu ansante, asmàtico Tedescu atemlos, asthmatisch.

fadumàdu , agt Sinònimos e contràrios agiagarau, assucariau, salarzadu Frases est andhendhe a passu fadumadu Tradutziones Frantzesu haletant, agité Ingresu gasping, agitated Ispagnolu jadeante Italianu affannóso, concitato Tedescu keuchend, erregt.

ghemidósu , agt Definitzione chi est a bémida, chi respirat a trebballu Sinònimos e contràrios afannadu, assupau, batimosu, ghemosu Ètimu srd. Tradutziones Frantzesu haletant Ingresu panting Ispagnolu jadeante Italianu ansimante Tedescu keuchend.

isalenàtu, isalenàu , pps, agt: isalinau Definitzione de isalenare; chi est isalidendhe, assupandho Sinònimos e contràrios assupau, spentimau 2. che so curtu isalenau e pranghendhe a supedhu ◊ fint currenne isalenatos, timenne de no cròmpere a tempus ◊ allónghio su passu e arribbo isalinau e incrapudhiu Tradutziones Frantzesu essoufflé Ingresu panted, panting Ispagnolu jadeante Italianu trafelato Tedescu keuchend.

isartigàdu , agt: esaltigadu Definitzione chi est a assúpidu forte po àere curtu meda / acudiri, cúrrere, pigare, andhare i. = andhare impresse meda Sinònimos e contràrios afaundadu, spentimau Frases addaghi li ant aporridu sa segurtànsia ndh'est bénnidu isartigadu fatu! (G.Ruju)◊ apo intesu su tzocu de sa ruta e che so curta isartigada ◊ a sas voghes sunt curtos isartigados totu sos bighinos Tradutziones Frantzesu essoufflé Ingresu breathless Ispagnolu jadeante Italianu trafelato Tedescu keuchend.

scanài , vrb Definitzione nau de su cane, candho paret isalidendhe assupandho a limba fora Sinònimos e contràrios acaogare Ètimu srd. Tradutziones Frantzesu haleter Ingresu to pant Ispagnolu jadeante Italianu trafelare Tedescu keuchen.

spentimàu , agt: spentumau Definitzione giagarau male, coment'e fuindho, currendho airau assupandho / fuiri a sa spentimada = a perdighinu, currindhe a cantu podet Sinònimos e contràrios assupau, isalenatu, isartigadu, spentiniau Frases nci dhu fait fui po macu, spentimau Ètimu srd. Tradutziones Frantzesu haletant Ingresu haunted, out of breath Ispagnolu jadeante Italianu trafelato, spiritato Tedescu keuchend, aufgeregt.