Ditzionàriu in línia
de sa limba e de sa cultura sarda

innidèsa , nf Definitzione su èssere ínnidu, nidu, chentza tocau, fintzes chentza malesa de pecau o de curpa Sinònimos e contràrios nedidesa, nidesa, verzinidade Frases sa fide fit meda manna e s'innidesa sua che imberghiat chene perunu isfortzu sa tentassione ◊ cantu ses bellu, reposu, candu si lassas assussegai cun sa cuscéntzia e s'imprassas po si donai innidesa! Ètimu srd. Tradutziones Frantzesu intégrité, pureté Ingresu integrity, purity Ispagnolu integridad Italianu integrità, purézza Tedescu Rechtschaffenheit, Reinheit.

interèsa , nf Definitzione su èssere intreu, su dhu'èssere totu de una cosa, su èssere chentza tocada Ètimu spn. entereza Tradutziones Frantzesu intégrité Ingresu entireness Ispagnolu integridad Italianu integrità, interézza Tedescu Vollständigkeit.

sincherèsa , nf Definitzione su èssere síncheru, bonu, singillu Sinònimos e contràrios innidesa, nedidesa, singillidadi | ctr. trapaceria Frases sa sincheresa cufirmat s'amistade Ètimu srd. Tradutziones Frantzesu franchise, intégrité Ingresu integrity, frankness Ispagnolu bondad, integridad Italianu schiettézza, integrità Tedescu Ehrlichkeit, Integrität.