assustósu , agt: assustrosu Definitzione
chi faet assustrare, assicare
Sinònimos e contràrios
arrorosu,
assustradore,
assustrósicu,
isprammosu
Frases
chissà si calicunu si at a salvare dai cussu castigu assustosu!
Ètimu
srd.
Tradutziones
Frantzesu
épouvantable
Ingresu
dreadful
Ispagnolu
espantoso,
aterrador
Italianu
spaventóso
Tedescu
entsetzlich.
assustrósicu , agt Definitzione
chi faet assustrare, pigare assíchidu, e fintzes chi si assicat meda
Sinònimos e contràrios
arrorosu,
assustradore,
assustosu,
atudhosu,
isprammosu
Frases
candho fit colandhe su baule de su mortu, sas notas de su Babbunostru sonabant assustrósicas (G.Piga)
Ètimu
srd.
Tradutziones
Frantzesu
épouvantable
Ingresu
fearful
Ispagnolu
espantoso
Italianu
spaventévole
Tedescu
schrecklich.
ispantósu , agt: spantosu Definitzione
chi faet ispantu, meravíglia; chi faet a tímere, chi faet pèrdere de ànimu; nau de unu, chi tenet s'abbitúdine de foedhare faendho meravigliare s'àteru
Sinònimos e contràrios
ispantaditu,
meravizosu,
miríficu,
stravanau
/
arrorosu,
isprammosu,
spantamentosu
/
manninu
Frases
is bècius contant istórias ispantosas ◊ a mamma tocheit sa binza chi eo no aia bidu mai, ma chi pessaia che a unu logu ispantosu
3.
isse est ispantosu: annotamala de la nàrrere coment'est, sa cosa, la creschet chi no bi at coro! (G.Ruju)
Ètimu
spn.
Tradutziones
Frantzesu
stupéfiant
Ingresu
amazing
Ispagnolu
asombroso,
pasmoso,
espantoso
Italianu
sbalorditivo,
meraviglióso
Tedescu
erstaunlich.
isporósu , agt Definitzione
chi isporat, chi faet isporare
Frases
in su padente s'intendhet su cantu isporosu de sa tonca ◊ depiazes intèndhere su prantu isporosu de sa muzere candho at inténdhiu chi si cheriat ghetare sa soca a trucu!
Ètimu
srd.
Tradutziones
Frantzesu
décourageant,
épouvantable
Ingresu
discouraging,
fearful
Ispagnolu
desalentador,
espantoso
Italianu
sconfortante,
spaventévole
Tedescu
unerfreulich,
schrecklich.
isprammósu , agt: spramosu Definitzione
chi faet isprammare, pigare un'isprama
Sinònimos e contràrios
arrorosu,
assustadore,
assustrosu,
atudhosu,
isprammorosu
Frases
cussos sunt mostres isprammosos
Ètimu
srd.
Tradutziones
Frantzesu
épouvantable
Ingresu
dreadful
Ispagnolu
espantoso,
aterrador
Italianu
spaventóso,
raccapricciante,
orrìbile
Tedescu
entsetzlich,
schauderhaft.
ispreósu , agt: spreosu Definitzione
chi faet a tímere meda, chi faet ispreu; nau de unu, chi si leat ispreu, chi istat meda coment'e timendho de fàere cosa, prus che àteru coment'e po no bòllere, po sa pagu gana, ca no dhi praghet o àteru
Sinònimos e contràrios
iscaramentosu,
istremorosu,
terrorosu
/
impregadu
Frases
ite bentu ispreosu! ◊ ite morte ispreosa chi at fatu babbu meu, mortu travallandhe!
2.
ma lah ca est ispreosu, cussu cristianu: nci dha podiat bogai cussu, sa màchina a foras, isciendi ca tanti si depiat fai?!
Ètimu
srd.
Tradutziones
Frantzesu
réticent
Ingresu
reluctant
Ispagnolu
espantoso,
reacio
Italianu
riluttante
Tedescu
widerstrebend.
porósu , agt Definitzione
nau de unu, chi ponet pore, chi si faet arrespetare e pònnere mente; chi faet a tímere
Sinònimos e contràrios
seberu
Frases
ómine porosu, babbu tou: no ti ndhe perdonat una!
2.
sa note est nighedha e su bentu porosu ◊ s'intendhet de sa campana su tinnu porosu ◊ a su pitzinnu li contaiat su contu porosu de sos tzilipirches ◊ che ispidu ti punghet su lamentu, su murmutu ne intennes porosu
Ètimu
srd.
Tradutziones
Frantzesu
d'autorité,
énergique,
effrayant
Ingresu
frightening,
authoritative
Ispagnolu
autoritario,
enérgico,
espantoso
Italianu
autorévole,
enèrgico,
pauróso
Tedescu
einflußreich,
energisch,
furchtbar,
furchterregend.