Ditzionàriu in línia
de sa limba e de sa cultura sarda

almàriu , nm: ammàgliu, ammàrgiu, ammàriu, ammarzu, armàgliu, armàrgiu, armàriu, armarzu, arrammàdiu Definitzione trastu o logu po apartare o chistire cosa, cun sa base a retàngulu (fintzes candho si faet a ischeadura in is muros lassandho coment'e un'apertura tupada, a pígiu de muru)/ armàrgiu de su porcu = bóidedhu, acotu pro su mannale Sinònimos e contràrios immàriu, romàriu / colomberi Frases su fusile che l'at apicadu in s'armàriu ◊ sa divisa nche l'at in s'armarzu ◊ colliat sas meichinas in s'armagliedhu ◊ s'isterzu est in s'ammarzu ◊ ite bi as postu in s'armàgliu tuo? ◊ si est cuau aintru de s'arrammàdiu po s'assíchidu ◊ annat a s'almàriu e ne torrat cun d-un'ampulla de granatza Tradutziones Frantzesu armoire Ingresu wardrobe Ispagnolu armario Italianu armàdio Tedescu Schrank.

aparadòre , nm: aparadori Definitzione mobbília chi serbit a pònnere trastos, mescamente in sa sagristia; css. móbbile chi serbit a pònnere calecuna cosa de ammostare o fintzes po pònnere sa candhela o luma apresu a su letu Sinònimos e contràrios paradora Ètimu spn. aparador Tradutziones Frantzesu garde-robe, vitrine Ingresu wardrobe, window (shop) Ispagnolu armario, cristalera, vitrina Italianu guardaròba, vetrina Tedescu Kleiderschrank, Glasschrank.

gardaròbba , nm: guardarobba, guardarrobbu, guardorrobba Definitzione mobbília, trastu de domo a pònnere s’orrobba chistia límpia, bestimentu Sinònimos e contràrios aldiarobba Frases sa bestimenta leat su fiagu de s'inserru a inintro de su guardarobba Terminologia iscientìfica mbl Tradutziones Frantzesu garde-robe Ingresu wardrobe Ispagnolu guardarropa, armario Italianu guardaròba Tedescu Kleiderschrank.