càjamu , nm: càjumu,
càmisu,
càmixu,
càmuju,
camúsiu,
càmuxu Definitzione
genia de bestimentu de su preide po nàrrere sa Missa; fintzes bestimentu fine, longu, de pònnere in pitzu chie trebballat in logu de ispidale, labboratórios, e àteru
Sinònimos e contràrios
alba
2.
fint allevadores ricos e mentovados chi traballaiant in camúsiu biancu che a sos dotores
Terminologia iscientìfica
bst, prdc
Ètimu
itl.
càmi(s)cio
Tradutziones
Frantzesu
aube (vêtement ecclésiastique)
Ingresu
surplice
Ispagnolu
alba
Italianu
càmice,
alba
Tedescu
Kittel,
Meßhemd.
parapillíssiu , nm: parpellíssiu,
prafallissu,
prapallissu,
prapellissu,
prefellissu,
prefellítziu Definitzione
bestimentu biancu fine, largu, a mànigas largas, totu trebballau, longu agiummai a benugos, chi su preide ponet po unas cantu funtziones; àteru bestimentu deasi chi si assimbígiat
Sinònimos e contràrios
rochetu 1,
subrapellissu*
Frases
mancai no porti chíriga e prafallissu, caincunu sarmonedhu dhu sciu arrapillai dèu puru ◊ chi sigheus aici in mesu de is predis tocat a si ponni a prafallissu! ◊ a carrasecare si est bestiu chin d-unu parpellíssiu biancu ◊ su preídelu giughiat su prefellítziu
2.
Tziu Nicola fit chin su parpellíssiu chi, si fit istau biancu, l'aiat fatu assimizare a unu dutore
Terminologia iscientìfica
prdc
Tradutziones
Frantzesu
surplis
Ingresu
surplice
Ispagnolu
sobrepelliz
Italianu
còtta
Tedescu
Chorhemd.