bituèra , nf: butirera,
butirrera Definitzione
màchina chi ndhe sèberat su butiru de su late
Sinònimos e contràrios
ispannarola
/
separadore
Frases
a sos oto annos fio crapitarju: tandho li desi ghetu a su corcarju, a su recotu, a sa bituera (P.Piga)
Tradutziones
Frantzesu
écrémeuse
Ingresu
skimmer
Ispagnolu
desnatadora
Italianu
scrematrice
Tedescu
Abrahmmaschine.
terúdha , nf: tirudha,
torudha,
trudha,
turudha Definitzione
genia de aina, a màniga longhita, po morigare papares coendho in s'istrégiu, po umprire e pònnere in is pratos o po piscare cosa de su brodu, de s'abba / genias de terudha: t. pertunta o istampada (lada, po cosa a piscadura), t. tupada, cofuda (cociarone, po cosa de brodu); min. trudhita; tirudhone = turra de linna po pigai farra
Sinònimos e contràrios
coceroni,
tulla 1,
turra
Maneras de nàrrere
csn:
delicau che turudha móssia (nadu a befe de unu) = chi no bollit a dhu tocai mancu pagu pagu, delicau a tropu; ammuntare su chelu a trudha = fàghere una cosa chi no si podet; andharesiche o èssere che mazadu a t. = fatu a birgonza (mazare a terudha = cosa chi faint is féminas, bregúngia po un'ómini a si lassai surrai de una fémina!); acabbare is trudhas = mòrrere
Frases
in domo de trudharzu ne trudha e ne cogarzu ◊ bi teniat su ràmene apicau: turudhas, sartàghinas, copertores e lapioledhos
2.
mabagràbiu, dibicau che turudha ses! ◊ tiu Èfese no iat acabbau is trudhas, ca antzis si fiat sanau
Sambenados e Provèrbios
smb:
Trudda, Turudda
/
prb:
su male de sas padedhas chie l'ischit est sa trudha!◊ chie portat sa trudha si dha linghet!
Terminologia iscientìfica
ans
Ètimu
ltn.
trulla
Tradutziones
Frantzesu
louche,
écumoire
Ingresu
ladle,
skimmer
Ispagnolu
cucharón,
cazo,
espumadera
Italianu
méstolo,
schiumaróla
Tedescu
Schaumlöffel.