túrra , nf Definitzione genia de trastu tuvudu, a màniga longhita, impreau mescamente in coghina, fatu po murigare papares e umprire (sa tupada) o piscare (sa pertunta); una genia de essidura puru, fruschedha manna e niedha / t. de scumai, de aggrumai = terudha istampada, pertunta; min. turrixedha Sinònimos e contràrios terudha*, tulla 1 Maneras de nàrrere csn: torrai t. = pagaresindhe (de totu su chi no s'est manigadu); sa t. de sa manu = sa parte de palas de sa manu (bida coment'e pinnigada), ue sos ossos si parent de prus ca sa carre est a pizu fine; fichiri t. in chistionis allenas = tzacaresiche in cosas chi no depent interessare Frases lassamí pigai sa turra de isprumai! ◊ chini fait turras fait culleras ◊ ponimí una turrixedha de minestra! 2. fui de diora sentza de ndi fai de custu papai, ma oi ndi apu torrau turra! ◊ e comenti ti permitis de fichiri turra in is chistionis nostras?! (E.Olla) Sambenados e Provèrbios smb: Turra / prb: chini portat sa turra in manus iscít ita dhui at in sa pingiada Terminologia iscientìfica ans.
túrra 1 , nf: turre,
turri Definitzione
fràigu artu artu e minore de istérria, mescamente in is crésias, ue, in punta, si apicant is campanas, ma fintzes òpera fata in forte, sèmpere arta meda, po difesa; in d-una mata, su sirione o cambu de mesu, su piús forte e piús artu; pl. is pedras orrúbias e birdes de sa zódia (prendha)/ mannu che sa turre de portu = mannu meda
Sinònimos e contràrios
campanibi
Frases
sa créjia est fata chin turre e campanas ◊ cantos intràcanos, rotedhas e pesos àrtziant e achirrant in su rellotzu de sa turre! ◊ sos macos, in Babbele ant fatu una turra zigante ◊ in Castedhu de susu dhoi funt is turris totu a ingíriu, in Aristanis sa turri de Marianu in centru
Sambenados e Provèrbios
smb:
Turra, Turri, Turris
Ètimu
ltn.
turre(m)
Tradutziones
Frantzesu
tour
Ingresu
tower
Ispagnolu
torre
Italianu
tórre
Tedescu
Turm.