sète , agt, nm: seti Definitzione su tanti de is pódhighes de una manu prus àteros duos (in números àrabbos 7, in números romanos VII): est impreau fintzes cun significau de meda, a bisura de símbulu Maneras de nàrrere csn: fàghere pro sete (es. faedhare, triballare, manigare e gai)= a meda; (fai ccn. cosa) seti po catórixi = a mal'istropiadura; ai papau pani de seti forrus = ischírela longa; samunare in set'abbas = meda (nau pruscatotu de sa menti, a manera de cambiai s'identidadi, is ideas de unu) Frases unu ses e seti ti fais! ◊ sa buca dhi serrint cun seti lenciorus! ◊ chi dhi calit lampu cun seti lampixedhus avatu! ◊ sete ispadas de dolore su coro mi ant trapassadu…◊ agato cussa cosa mancari dha cues in sete pizos de muru Sambenados e Provèrbios smb: Sette, Setti Ètimu ltn. septem Tradutziones Frantzesu sept Ingresu seven Ispagnolu siete Italianu sètte Tedescu sieben.

setechèntos, seteghèntos, setejèntos , agt, nm: setighentos, setixentus Definitzione su tanti de sete bortas chentu (in números àrabbos 700, in números romanos DCC) Ètimu srd. Tradutziones Frantzesu sept cents Ingresu seven hundred Ispagnolu setecientos Italianu settecènto Tedescu siebenhundert.

«« Torra a chircare