Legenda Incurtzaduras | Legenda Sìmbulos

benidéru , agt, nm: venideru Definitzione foedhandho de tempus, chi at a bènnere, su tempus chi si portat a denanti Sinònimos e contràrios benidore | ctr. passadu Frases isperant chi a su tempus benideru no lis manchet su beranu ◊ lébias ti sient e chena anneu sas dies benideras! 2. iscaresci su passau e pensa a su benideru! ◊ su benideru est giai aintru de su oi Ètimu spn. Tradutziones Frantzesu prochain Ingresu next, future Ispagnolu venidero Italianu venturo Tedescu kommend, künftig.

seína , nf, nm: esina, sesina, sisina, sisinu Definitzione cosa de pagu valore, su mesu de unu sodhu, chimbe centésimos de su francu sardu: si narat solu in su sensu de dinare pagu Sinònimos e contràrios isina Frases finas candho ses totu tramudadu no bales bator petzos de sesina! ◊ li dao sos pagos sisinos chi tenzo, bastet chi mi che let su pitzinnu Ètimu itl. sesino Tradutziones Frantzesu chose de quatre sous Ingresu half soldo, next to nothing Ispagnolu chuchería, de tres al cuarto Italianu mèzzo sòldo Tedescu von geringem Wert.

sichissíchi , avb: sighisighi Definitzione chi benit luego aifatu, apustis, a pagu tretu, a pagu tempus / èssere s., a s. = a su tene tene, apunt’a lu sighire, a lu tènnere (fintzes genia de giogu, po aciapare) Frases fit una fera de ómine bandhidendhe a sighisighi cun sos carabbineris Ètimu srd. Tradutziones Frantzesu ensuite, après Ingresu next to, just later Ispagnolu inmediatamente después Italianu apprèsso, sùbito dópo Tedescu darauf, kurz nachher.

venènte , agt: beniente, veniente, venienti Definitzione nau de sa die, de su tempus, de cosa chi acontesset, chi benit luego aifatu, luego apustis, chi depet bènnere Sinònimos e contràrios benidore, imbeniente Frases pro me est totu unu disgustu, su passadu e su presente e su tempus veniente l'ispeto peus de custu ◊ sa die veniente issos fint in domo ◊ curadí po chi in su tempus venienti potzas tenni saluri! ◊ siat glória a Deus comente fit in su priscípiu sèmpere in sos séculos venentes! Tradutziones Frantzesu suivant Ingresu next, following Ispagnolu venidero Italianu veniènte, successivo Tedescu kommend, folgend.

«« Torra a chircare