Legenda Incurtzaduras | Legenda Sìmbulos

ammurrài 1 , vrb: ammurrare 1 Definitzione fàere o essire de colore murru, in colore de chinisu (nau de is pilos); fàere de colore iscurosu, su colore chi faet su sole meda a sa carrítzia Sinònimos e contràrios immurrai, incanire, incanudai / acotilai, ammoriscai, recòghere Frases candu s'ómini intrat in edadi dhi ammurrant is cucas Ètimu srd. Tradutziones Frantzesu grisonner Ingresu to become grey Ispagnolu grisear Italianu ingrigire Tedescu grau werden.

cinixàli , agt, nm Definitzione nau de colore, chi est che a su chinisu, in colore de chinisu; fintzes chi istat sèmpere in su chinisu, a pata a fogu Sinònimos e contràrios chijinatu, cinisacu, múrinu, murru 1, pàldinu / chinisaju, chighineri Frases est unu cuadhu murru cinixali 2. su nai ca is amigas mias funt totu bèni cuncordadas candu andant a Missa e dèu sempri acorrovedhada in domu coment'e su gatu cinixali! (I.Raccis) 3. is pastoris ch'ia connotu no si lassànt binci de su fasciugu e cuntziderànt su cinixali coment'e su peus caciapu Terminologia iscientìfica clr Ètimu srd. Tradutziones Frantzesu cendré Ingresu ashy, grey Ispagnolu ceniciento Italianu cenerìccio, grìgio Tedescu aschgrau.

ferulàtu , agt: fiurratzu Definitzione chi est in colore de su truncu de sa feurra (orrubiasta candho est sicada) Sinònimos e contràrios múgiu Frases su macioni fiurratzu bendint a noi arrialis… Terminologia iscientìfica clr Ètimu ltn. ferulaceus Tradutziones Frantzesu gris foncé Ingresu dark grey Ispagnolu gris marengo Italianu grìgio scuro Tedescu dunkelgrau.

líssa , nf Definitzione genia de pische de mare e de paule (o pischera), a iscata cantu s'unga (is calidades prus mannas, ma dhue ndh'at calidade pitica puru): pische de Aristanis Sinònimos e contràrios mughedhu, músulu, muzaldu Frases apu agatau lissa bella e barata ◊ dhi praxit sa lissa a brenti límpia, sa de foxi, sa de stàini ◊ mi at mannatu unu pratu de lissa Terminologia iscientìfica psc, mugil cephalus Ètimu ctl. llissa Tradutziones Frantzesu muge, mulet Ingresu grey mullet Ispagnolu mújol Italianu cèfalo, mùggine Tedescu Meeräsche.

múrru 1 , agt Definitzione chi est coment'e in colore de chinisu: si narat mescamente de pilos, de intinas de animales candho su pilu est de colores ammesturaos, parte de unu colore e parte biancu incanindho; si narat fintzes de frutuàriu cumenciandho a còere, a inniedhigare coendho / figu murra = una creze de figu chi assemizat a sa figu cana de colore e de fatura (tundhatza), ma est premedia (e de duas bias), prus abbosa, prus madura e prus gustosa; bíderendhe murras e bajas = de dónnia colori, provai cosas (e malis) de dónnia genia Sinònimos e contràrios chijinatu, cinixali, múrinu / imbarjau, murrinau Frases gei no as a bolli chi filla tua fetzat pius murrus in domu?!◊ gei no aspetas a fai pius murrus, no! ◊ po chi portis sa conca murra, lah no ti acontessat de arregolli surra! Terminologia iscientìfica clr Ètimu ltn. murinus Tradutziones Frantzesu gris Ingresu grey Ispagnolu gris Italianu grìgio Tedescu grau.

pàldinu , agt Definitzione chi est in colore de chinisu Sinònimos e contràrios chijinatu, cinisacu, cinixali, múrinu, murru 1, pardu* 1 Terminologia iscientìfica clr Tradutziones Frantzesu bis Ingresu grey (dull) Ispagnolu ceniciento Italianu bìgio Tedescu aschgrau.

pargherínu , agt Definitzione nau de colore de chinisu iscurosu Frases craba pargherina Terminologia iscientìfica clr Tradutziones Frantzesu gris foncé, céruléen Ingresu dark grey Ispagnolu gris oscuro Italianu grìgio scuro, o cerulino Tedescu dunkelgrau, blaugrau.

«« Torra a chircare