Legenda Incurtzaduras | Legenda Sìmbulos

camèdha , nf Definitzione cumpangia de gente mala; su andhare sèmpere impare, coment'e amedhaos, o aifatu de un'àteru Sinònimos e contràrios amedhu 2. faghet camedha chin zente isfidiada, carasada che a issa ◊ chin megus no faghes camedha! ◊ li faghent camedha sos peus de bidha ◊ si nos ponimus a cantare, deo no bos fato camedha ca no bi so bonu Sambenados e Provèrbios smb: Camedda Ètimu srd. Tradutziones Frantzesu mauvaise compagnie Ingresu bad company Ispagnolu mala compañía Italianu cattiva compagnìa Tedescu schlechter Umgang.

cumpagnía , nf: cumpangia, cumpannia, cumpanzia Definitzione su istare impare, chie (cumpàngios, amigos) istat impare a un'àteru o cun àteros; unu tanti de personas, mescamente sordaos Sinònimos e contràrios cumpagnu / camarada | ctr. soledade Frases abarra ca mi fais cumpangia! ◊ cicidi e papa, toca, ca si faes cumpangia! ◊ candho si capitabat in cumpannia fit peri brulleri e befajolu 2. sos de sa cumpannia su prus fint bachianos bedustos ◊ sa nosta fiat una cumpangia manna de amigus Ètimu itl. Tradutziones Frantzesu compagnie Ingresu company Ispagnolu compañía Italianu compagnìa Tedescu Gesellschaft.

tròpa , nf: trupa Definitzione unu tanti mannu (de gente, de animales): trupa si narat fintzes de is sordaos ebbia, in cantu distintos de is cumandhantes / una tropa de pipius, de piciocus, de puzones, de pitzinnedhos, trupa de pillonis; trumpone = fiotu mannu, chedha manna; tropedha = fiotu minore, pagos Sinònimos e contràrios assorte, cedha, cedhoni, fiotu, grústiu, issorta, majone, pasa, retolu, sinnissoni, sortíglia, tropedhu, truma Frases azicu fint reséssitos a ojare una tropedha de balentes chi cheriant gheretzare a bidha pro arrecatare a mussegnore 2. Amsícora, ch'in coro aiat fogu infiamadu, cabu a pagas trupas de leones, rujàt majas e tupas in custu logu (P.Casu) 3. dhoi fiat sa genti a tropas! ◊ sa zente benit a tropas a sa festa ◊ a is garas poéticas curriat sa genti a trupas Ètimu spn. Tradutziones Frantzesu bande, troupe Ingresu troop, company Ispagnolu tropa Italianu fròtta, brigata, truppa Tedescu Schar, Truppe.

«« Torra a chircare