ansídu , agt: assidu Definitzione chi tenet assa, chi est alluscau, cassidu de su sidi, chi est morindho de su sidi, de sa gana de bufare Sinònimos e contràrios cansidu Frases nois semus ranedhos de terra ansida in s'aera intemperiosa (G.Orgolesu)◊ s'undha límpida apo meledadu dae sa calura de s'istadiale ansida 2. su coro sou est assidu de veridade ◊ mi so agatada piús istraca de sa vida, piús assida ’e Deus (G.Correddu)◊ sa terra est assida de lentore Ètimu srd. Tradutziones Frantzesu assoiffé Ingresu burnt by thirst Ispagnolu sediento Italianu arso dalla séte Tedescu trocken.

brusiàdu , pps, agt, nm: brusiau Definitzione de brusiare; chi est passau a fogu, fatu a crabone; nau de logu, chi dhu'est passau su fogu Sinònimos e contràrios abbruxau, afracau, aframadu, usciadu 2. so lendhe fragu brusiadu 3. su brusiadu no lu mànighes ca faghet male! ◊ sa robba est paschindhe in su brusiadu Tradutziones Frantzesu brûlé Ingresu burnt Ispagnolu quemado Italianu bruciato, arso Tedescu verbrannt.

freàdu 1 , agt, nm: friau Definitzione chi giughet frea, o chi ndhe at giutu, chi est iscrammentau, chi timet totu ca ndhe at bistu malos iscrammentos; chi si primat; chi giughet piringiones, tzacaduras de sa carre po fritu o àteru Sinònimos e contràrios frau 1, fresadu, iscadhau, isprajadu, spreau, tocadu Frases sa zente freada si betat totu a imbitzu 2. si faghet freadu che addaghi bidet giustíssia ◊ fia nendhe cosa de peràulas a Boredhu e Antónia si est fata freada 3. no podet fichire nudha ca est freadu ◊ si ses freada no fatas s'isterzu! Sambenados e Provèrbios prb: a cuadhu friau sa sedha dhi pítziat Tradutziones Frantzesu couvert de plaies, déçu Ingresu covered in sores, burnt Ispagnolu llagado, quemadura Italianu piagato, scottato Tedescu verwundet, schwärend.

«« Torra a chircare