Legenda Incurtzaduras | Legenda Sìmbulos

niedhòre, niedhòri , nm: nighedhore Definitzione su èssere niedhu, su èssere iscurosu; cosa niedha Sinònimos e contràrios iscuricore, niedhura, nighedhúmene, tura / annuadura, fumu, titiedhu | ctr. biancura Frases custu niedhore de sas aeras at a èssere chi faghet a dellúbbiu ◊ in su nighedhore de cussu disisperu che luchiant petzi sos ocros chi si moghiant intro de su concale istuvau ◊ si coberzant sos chelos de niedhore e comintzent sos butios! 2. de sos fumajolos de tzertas fàbbricas essit niedhore ◊ custu suelzu afoghizadu est pienu de niedhore ◊ su "Chi nono" de sa fémina li fit giómpidu che un'istuturrada e su coro si li pieneit de niedhore ◊ su niedhore est grae cantu su dolore meu! ◊ su niedhore de su fumu est malu a ndi andari de un'aposentu niedhu pixi! Ètimu srd. Tradutziones Frantzesu noirceur, obscurité Ingresu blackness, obscurity Ispagnolu negrura, oscuridad Italianu nerézza, oscurità Tedescu Schwärze, Dunkelheit.

niedhúra , nf: nighedhura Definitzione su èssere niedhu de totu is cosas Sinònimos e contràrios niedhore | ctr. biancura Frases su carvonarzu est garriau de terra e niedhura: paret unu corritolu Ètimu srd. Tradutziones Frantzesu noirceur Ingresu blackness Ispagnolu negrura Italianu nerézza Tedescu Schwärze.

túra , nf Definitzione su èssere de colore niedhu píghidu / niedhu che t. = niedhu pídigu Sinònimos e contràrios niedhore, niedhura, trementu Frases nues niedhas che tura si acadhant in s'aera (A.Spano)◊ umbras niedhas chei sa tura ◊ sas ànimas de s'iferru sunt prus niedhas de sa tura (cps) Ètimu ltn. *atrura Tradutziones Frantzesu noirceur Ingresu blackness Ispagnolu negrura Italianu nerézza Tedescu Schwärze.

«« Torra a chircare