istàre 1 , nm Definitzione tàula, pianu de unu parastàgiu Frases unu parastazu a tres istares (G.F.Sedda) Tradutziones Frantzesu étagère, rayons Ingresu shelf Ispagnolu estante Italianu ripiano Tedescu Fach.

palastràgiu , nm: barastazu, palestràgiu, palistarzu, parastàgiu, parastaju, parastaxu, parastazu, parastrazu, parestàgiu, parestarzu, parestazu, paristàgiu, paristarzu, paristazu, porestàgiu Definitzione móbbile inue si ponet pratos, tassas e àteru istrégiu piticu; móbbile inue si ponet assentaos libbros o cosa po bèndhere in is butegas Sinònimos e contràrios fascellau, forestàgiu, piatera / iscansia Frases si est postu a fàghere butegas cun palestràgios e pabilos grogos ◊ subra de su paristàgiu babbu teniat sos líbberos ◊ su casu salidu est assentadu in sos parastàgios ◊ in su porestàgiu poneus pratus, tassas e cícaras Ètimu ctl. parastatge Tradutziones Frantzesu étagère Ingresu shelf Ispagnolu estantería Italianu scaffale Tedescu Regal.

piatèra , nf: pratera Definitzione genia de parastàgiu po chistire is pratos límpios e àteru istrégiu de coghina Sinònimos e contràrios apicastérgiu, fascellau, palastràgiu Frases in coghina bi est su foghile, sa tziminea, su brajeri intro de sa gofe, sos furredhos a carvone e sa piatera ◊ seo ponenno is pratos praneris in sa pratera Terminologia iscientìfica mbl Ètimu srd. Tradutziones Frantzesu étagère à vaisselle Ingresu plate rack Ispagnolu platero Italianu piattàia Tedescu Abtropfbrett.

«« Torra a chircare