Ditzionàriu in línia
de sa limba e de sa cultura sarda

giojéri , nm Definitzione artista chi faet is prendhas, mescamente oraria Sinònimos e contràrios lallaneri, oréfitze Terminologia iscientìfica prf Tradutziones Frantzesu bijoutier Ingresu jeweller Ispagnolu orfebre, platero Italianu gioiellière Tedescu Goldschmied.

piatèra , nf: pratera Definitzione genia de parastàgiu po chistire is pratos límpios e àteru istrégiu de coghina Sinònimos e contràrios apicastérgiu, fascellau, palastràgiu Frases in coghina bi est su foghile, sa tziminea, su brajeri intro de sa gofe, sos furredhos a carvone e sa piatera ◊ seo ponenno is pratos praneris in sa pratera Terminologia iscientìfica mbl Ètimu srd. Tradutziones Frantzesu étagère à vaisselle Ingresu plate rack Ispagnolu platero Italianu piattàia Tedescu Abtropfbrett.

platéri , nm: prateri Definitzione maistu, artista chi trebballat sa prata, chi faet prendhas de prata o fintzes chi bendhet cosas de prata Frases is orichinus si dhus iat arregalaus su prateri ◊ ciamant su prateri e li ponent, pena de sa vida, de fàghere una corona de oro Terminologia iscientìfica prf Ètimu ctl., spn. plater Tradutziones Frantzesu orfèvre Ingresu silversmith Ispagnolu platero Italianu argentière Tedescu Silberschmied.