àlgada , nf: àlghida,
àrgada,
àrgala,
àrgana,
àrgheda 1,
àrghida,
bàrgada Definitzione
pistadore, genia de màchina a manu po pistare su linu àrridu: est fata cun duos peis graes, cantos de linna grussos postos prantaos e poderaos impare cun d-una travedha a mesania; postu e fissau in pitzu portant una genia de lacu istrintedhu, longu, a duas imbagas a manera de portare coment’e tres atzas, ue si ponet a istúturu sa manada de su linu a bargadare, agguantada a una manu; a una bandha su lacu portat fissada cun assaedhu po fàere giogu una genia de màniga (gurtedhu) fata cun duas tàulas chi calant de atza in mesu de is imbagas intrandhosi apare e in punta un'asa po dha pigare cun s’àtera manu a dha calare a cropu in pitzu de su linu
Sinònimos e contràrios
algadadore,
iscarda,
ógronu
/
cdh. àlgata
Frases
cun s'àrgada, giaju, dae unu mannuju de linu ndhe faghiat una manada ◊ si abbanzaiat che linu suta s'àlghida
Terminologia iscientìfica
ans
Ètimu
ltn.
*argana
Tradutziones
Frantzesu
écang
Ingresu
ripple,
scutcher
Ispagnolu
agramadera
Italianu
stigliatrice,
maciulla
Tedescu
Handbreche.
ógronu , nm: òrgana,
òrganu,
órgonu Definitzione
genia de màchina a manu po pistare sa canna de su linu arridau: est fata cun duos peis graes, orrugos de linna grussos postos prantaos e unios impare cun d-una traessa in mesania; in pitzu portant una genia de lacu istrintedhu, cun duas imbagas de longu a manera de arresurtare coment'e tres atzas (o tres tàulas fines ma totu a unu in in duos càbudos), ue si ponet a istúturu su matzu de su linu àrridu poderandhodhu cun d-una manu; a una bandha su lacu portat fissada (cun assaedhu de pòdere fàere giogu) una genia de màniga fata cun duas tàulas chi calant de atza in is imbagas intrandhosi apare e in punta un'asa po dha pigare cun s'àtera manu a dh'artzare e calare a cropu in pitzu de su linu
Sinònimos e contràrios
àlgada,
algadadore
Terminologia iscientìfica
ans
Ètimu
ltn.
organum
Tradutziones
Frantzesu
écang
Ingresu
brake
Ispagnolu
agramadera
Italianu
gràmola
Tedescu
Breche.