Legenda Incurtzaduras | Legenda Sìmbulos

aconciàda , nf: acontzada Definitzione su aconciare, su fàere un'acónciu Sinònimos e contràrios aconciadura, acónciu | ctr. iscónciu Frases dare un'acontzada a sa domo, a su fogu, a sa bestimenta ◊ si proades a li dare un'acontzada a martedhu ndhe tenides sa fadiga in debbadas ◊ custa màchina aiat créfidu un'acontzada!◊ fatuvatu sa bècia giaiat un'aconciada a su fogu Ètimu srd. Tradutziones Frantzesu réparation Ingresu repair Ispagnolu reparación Italianu riparazióne Tedescu Instandsetzung.

aconciadúra , nf: acontzadura Definitzione su aconciare, su trebballu chi si faet aconciandho calecuna cosa Sinònimos e contràrios aconciada, acónciu, apipadura, arràngiu / cdh. acunciatura | ctr. guastu, iscónciu Frases tra arremacedhos e aconciadura, is cratzolas fut a durare in média un'annu Ètimu srd. Tradutziones Frantzesu réparation Ingresu repair Ispagnolu reparación Italianu riparazióne Tedescu Instandsetzung.

acónciu , nm, pps, agt: acontzu, agontzu Definitzione aconciamentu, su trebballu chi si faet aconciandho calecuna cosa chi at tentu dannu, imbeciada, o fintzes po serbire méngius; nau de calecunu trastu, chi dh'ant torrau de pòdere andhare bene, chi dhi ant agiustau su guastu, s’iscónciu; nau de ccn., chi est totu bene postu de bestimentu, chi andhat bene, chi est àbbile, o fintzes su contràriu segundhu comente si narat Sinònimos e contràrios aconciadura, acontzura, aderetzu, arràngiu, mendhada / acontzadu | ctr. gastu 1, guastadura, iscónciu Frases pro fàchere cuss'acontzu a sa tzancheta depiat abbarrare in camisa ca no teniat àteru ◊ dae mastru est torradu a maniale, pro fàghere acontzitos ◊ chin cussu dinare afainent sos acòncios de su témpiu!◊ sa màriga est segada e no nci at acónciu! 2. ant acontzu sa crésia ◊ at acontzu su rellozu impresse ◊ at batidu cantones ca nachi cheriant acontzas ◊ custa est sa bunnedha chi at acontzu 3. a su cuile d'Eumeu gai agontzu andhesit Odisseu ◊ simizante, in corpus e in bestes, a betzitu su piús male agontzu 4. gei ses acòncia, pobidha mia, impentzamentada po cussu!…◊ tue puru za ses acontza: e ite as cumpresu?!…◊ gei ses acónciu: ita est chi ti est capitau? Ètimu srd. Tradutziones Frantzesu restauration, réparation Ingresu restoration, restored Ispagnolu reparación, arreglado Italianu restàuro, riparazióne, restaurato Tedescu Restaurierung, Ausbesserung.

arrangiadúra , nf: arranzadura Definitzione trebballu chi si faet po aconciare calecuna cosa (trastu consumau o segau, domo e àteru) Sinònimos e contràrios aconciadura, acónciu, arragnada, arrangiamentu | ctr. iscónciu Frases su sabbateri ndi at pigau su chi at arregortu po s'arrangiadura de is crapitas Ètimu srd. Tradutziones Frantzesu ajustage, réparation Ingresu mending Ispagnolu reparación, arreglo Italianu riparazióne Tedescu Reparatur.

«« Torra a chircare