Ditzionàriu in línia
de sa limba e de sa cultura sarda

baràtu , agt Definitzione chi est a prétziu bàsciu, chi costat pagu in dinare Sinònimos e contràrios ammingadu | ctr. caru Maneras de nàrrere csn: leare, comporare, bèndhere a su baratu; bèndhere a istracu b. = a sa frundhida, coment'e candho no ndhe cheret prus neunu, de una cosa, e abbàssiant meda su prétziu Frases picatila totu, sa carchina, ca ti la doe barata! ◊ cosa barata inoghe no che ndh'at 2. su chi li daiant si lu torraiat a bèndhere a su baratu ◊ a su baratu sa zente curret che muschina a su binu! ◊ custus meris bisant trabballadoris a istracu baratu e masedus Ètimu spn., ctl. Tradutziones Frantzesu à bon marché Ingresu cheap Ispagnolu barato Italianu di mòdico prèzzo Tedescu billig.

caminàda , nf Definitzione su caminare, pentzau coment'e una cosa fata; su tretu fatu camminandho; manera de andhare Sinònimos e contràrios andhanta Frases arratza de caminada chi s'at fatu, totu a pè, deghe chilómitros! 2. sa caminada est longa e nci bolit ora meda 3. fiat bella, cun sa caminada modhi de una bagadia in circa de piciocu Ètimu srd. Tradutziones Frantzesu marche Ingresu walk Ispagnolu caminata, paseo Italianu camminata Tedescu Spaziergang.

culinsécus , nm, avb: culissegus Definitzione culu in segus, a desegus (chi est sèmpere deasi, ma nau in su sensu de andhare torrandho agoa ma abbaidandho a denanti o parte contrària)/ andhare a c. = torrai acoa Sinònimos e contràrios incuadas, palipissegus, sculusculu Ètimu srd. Tradutziones Frantzesu marche arrière Ingresu reverse (motion) Ispagnolu marcha atrás Italianu retromàrcia Tedescu Rückwärtsgang.

fascéllu , nm Definitzione in is festas, barraca inue bendhent cosa Sinònimos e contràrios parada Frases cíxiri a galiatzu bendint in su fascellu… de sa vida chi fatzu apenadindi, bellu! Tradutziones Frantzesu marché forain Ingresu stall Ispagnolu tenderete, puesto callejero Italianu bancarèlla Tedescu Verkaufsstand.

iscabéri , nm: iscaleri, scaleri Definitzione parte de un'iscala manna, a fràigu o de linna, fata de unu paris, istrada o peale, ue si ponet su pei, e de un'artzada totu cantepare po pesare o calare a paris diferentes Sinònimos e contràrios grada, iscalina Frases dona cura ca s'iscala portat un'iscaleri segau! Tradutziones Frantzesu marche Ingresu step Ispagnolu peldaño Italianu gradino Tedescu Stufe.

iscalína , nf Definitzione parte de un'iscala manna, a fràigu o de linna, fata de unu paris (istrada, peada) e de un'artzada (isprigu) totu cantepare po pesare o calare a pei a duos paris diferentes Sinònimos e contràrios grada, iscaberi, scaloni / ttrs. iscarina 2. b'aiat tres domedhas chi che fint apirpirinadas supra de iscalinas e patiedhos Ètimu itl. Tradutziones Frantzesu marche Ingresu step Ispagnolu peldaño Italianu scalino Tedescu Stufe.

malcàdu , nm: marcadu, melcadu, mercadu, mercatu 1, mercau Definitzione su bèndhere e comporare cosa; logu, mescamente mannu, inue si bendhet e còmporat cosa; totu sa gente chi còmporat o podet comporare Sinònimos e contràrios fiera Frases sa festa de santu Maru fiat unu logu de reunione e de mercau de una cussòrgia manna de sa Sardigna centrale ◊ creia chi fiast andendi a su mercau a comporai pani! ◊ si fit arressa sa béndhua, bi aiat paga chirca in sos mercados ◊ est coladu a su malcadu a leare pische ◊ bae a su marcadu e còmpora unu chilu de peta e no ti apuntes! Ètimu ltn. mercatus Tradutziones Frantzesu marché Ingresu market Ispagnolu mercado Italianu mercato Tedescu Markt.

màrcia 1 , nf: martza 1 Definitzione camminada longa e lestra a passu cumandhau (mescamente de militares); genia de mecanísimu chi permitit a is màchinas de cambiare andhadura e de regulare su motore cunforma a s'andhadura; fintzes una genia de cumponimentu musicale Sinònimos e contràrios caminada Frases tandho, a sos sordaos, a denterdie, lis ant imparau a fàchere sa martza ◊ fut unu regimentu chi totu a s'in prus fiat calincuna màrcia Tradutziones Frantzesu marche, vitesse marche (aut.) Ingresu march Ispagnolu marcha Italianu màrcia Tedescu Marsch.

peganzòlas , nf pl: peiganzolas Definitzione parte de su telàrgiu ue si ponent is peis po trebballare tessendho artzandhodha e calandhodha cun is peis Sinònimos e contràrios càlculas, peanas, pegas, peones, petzana Terminologia iscientìfica ts Tradutziones Frantzesu marche du métier à tisser Ingresu treadle Ispagnolu premidera, cárcola Italianu càlcole del telàio Tedescu Fußbrett, Webertritt.