Legenda Incurtzaduras | Legenda Sìmbulos

bambíghine , nm Definitzione mancàntzia o farta de sale, nau de su sabore de is cosas de papare, o de sabidoria nau de persona chi at unu fàere o pentzare cun pagu giudítziu Sinònimos e contràrios irbambissiadura / bamberia, bambidúghine, bambímine, bambiore, bambura, ibbàmbiu, sciapidóriu 2. lassae sos bambíghines e lassáeli finire su contu! ◊ tziu Berte sichiat a bocare bambíghines tocandhe fintzas sos carabbineris ◊ finíela chin sos bambíghines, ca non sunt cosas de prides! Ètimu srd. Tradutziones Frantzesu insipidité, fadeur Ingresu insipidity Ispagnolu insipidez Italianu scipitézza Tedescu Fadheit.

bambiòre, bambiòri , nm: bambore, bambori Definitzione farta, mancàntzia de sale, nau de cosas de papare, o de sabidoria nau de persona chi si cumportat cun pagu giudítziu Sinònimos e contràrios irbambissiadura / bambíghine, bambiorja, bambura, gambiore, ibbàmbiu, isabidóriu, isapidoria, isapidura, sciabóriu | ctr. sabidoria 2. po carirari… ita bambori chi portas! ◊ si abbusat de su tou bambiore, a sa fine si pigat fin'a tie! (Sassu) Ètimu srd. Tradutziones Frantzesu insipidité, fadeur Ingresu insipidity Ispagnolu insipidez Italianu scipitézza Tedescu Fadheit.

bambúra , nf: bammidura Definitzione mancàntzia de sale, nau siat de cosas de papare e siat de persona chi si cumportat cun pagu giudítziu Sinònimos e contràrios bambíghine, bambiore, isabidóriu, isapidoria, isapidura, sciabóriu Ètimu srd. Tradutziones Frantzesu insipidité, fadeur Ingresu tastelessness Ispagnolu insipidez Italianu scipitàggine Tedescu Fadheit.

irbambissiadúra , nf Definitzione su irbambissiare Sinònimos e contràrios bambíghine, bambiore Ètimu srd. Tradutziones Frantzesu insipidité Ingresu insipidity Ispagnolu insipidez Italianu scipitézza Tedescu Geschmacklosigkeit.

isapidoría , nf Definitzione cosa chi si narat o chi si faet chentza sabiesa, chentza sustàntzia Sinònimos e contràrios bambiore, bambura, isabidóriu, isambrúliu, isapidura, sciabóriu Ètimu srd. Tradutziones Frantzesu insipidité, fadeur (fig.) Ingresu foolishness Ispagnolu sosería Italianu insipidità, stupidàggine Tedescu Fadheit, Dummheit.

isapidúra , nf: isciabidura, isciapidura, issabidura, ixapidura, sciapidura Sinònimos e contràrios bambiore, bambura, illériu, isabidóriu, isapidoria, sciabóriu Frases no so dendhe su costúmene de mama pro isapiduras o istravíscios: lu so dendhe pro bisonzu! Ètimu srd. Tradutziones Frantzesu insipidité Ingresu insipidity Ispagnolu sosería Italianu insipidità Tedescu Fadheit.

sciabóriu , nm: isabóriu* Definitzione cosa chi si narat chentza cabu, de pagu importu e chentza sustàntzia Sinònimos e contràrios bambiore, bambura, isabidóriu, isapidoria, isapidura | ctr. sabiore Tradutziones Frantzesu insipidité Ingresu insipidity Ispagnolu insipidez Italianu insipidità Tedescu Fadheit.

«« Torra a chircare