Ditzionàriu in línia
de sa limba e de sa cultura sarda

bambíghine , nm Definizione mancàntzia o farta de sale, nau de su sabore de is cosas de papare, o de sabidoria nau de persona chi at unu fàere o pentzare cun pagu giudítziu Sinonimi e contrari irbambissiadura / bamberia, bambidúghine, bambímine, bambiore, bambura, ibbàmbiu, sciapidóriu 2. lassae sos bambíghines e lassáeli finire su contu! ◊ tziu Berte sichiat a bocare bambíghines tocandhe fintzas sos carabbineris ◊ finíela chin sos bambíghines, ca non sunt cosas de prides! Etimo srd. Traduzioni Francese insipidité, fadeur Inglese insipidity Spagnolo insipidez Italiano scipitézza Tedesco Fadheit.

bambiòre, bambiòri , nm: bambore, bambori Definizione farta, mancàntzia de sale, nau de cosas de papare, o de sabidoria nau de persona chi si cumportat cun pagu giudítziu Sinonimi e contrari irbambissiadura / bambíghine, bambiorja, bambura, gambiore, ibbàmbiu, isabidóriu, isapidoria, isapidura, sciabóriu | ctr. sabidoria 2. po carirari… ita bambori chi portas! ◊ si abbusat de su tou bambiore, a sa fine si pigat fin'a tie! (Sassu) Etimo srd. Traduzioni Francese insipidité, fadeur Inglese insipidity Spagnolo insipidez Italiano scipitézza Tedesco Fadheit.

bambúra , nf: bammidura Definizione mancàntzia de sale, nau siat de cosas de papare e siat de persona chi si cumportat cun pagu giudítziu Sinonimi e contrari bambíghine, bambiore, isabidóriu, isapidoria, isapidura, sciabóriu Etimo srd. Traduzioni Francese insipidité, fadeur Inglese tastelessness Spagnolo insipidez Italiano scipitàggine Tedesco Fadheit.

irbambissiadúra , nf Definizione su irbambissiare Sinonimi e contrari bambíghine, bambiore Etimo srd. Traduzioni Francese insipidité Inglese insipidity Spagnolo insipidez Italiano scipitézza Tedesco Geschmacklosigkeit.

isapidoría , nf Definizione cosa chi si narat o chi si faet chentza sabiesa, chentza sustàntzia Sinonimi e contrari bambiore, bambura, isabidóriu, isambrúliu, isapidura, sciabóriu Etimo srd. Traduzioni Francese insipidité, fadeur (fig.) Inglese foolishness Spagnolo sosería Italiano insipidità, stupidàggine Tedesco Fadheit, Dummheit.

isapidúra , nf: isciabidura, isciapidura, issabidura, ixapidura, sciapidura Sinonimi e contrari bambiore, bambura, illériu, isabidóriu, isapidoria, sciabóriu Frasi no so dendhe su costúmene de mama pro isapiduras o istravíscios: lu so dendhe pro bisonzu! Etimo srd. Traduzioni Francese insipidité Inglese insipidity Spagnolo sosería Italiano insipidità Tedesco Fadheit.

sciabóriu , nm: isabóriu* Definizione cosa chi si narat chentza cabu, de pagu importu e chentza sustàntzia Sinonimi e contrari bambiore, bambura, isabidóriu, isapidoria, isapidura | ctr. sabiore Traduzioni Francese insipidité Inglese insipidity Spagnolo insipidez Italiano insipidità Tedesco Fadheit.