arredutósu , agt: redutosu Definitzione nau de ccn., chi istat in pentzos, chi no est seguru, chi no est decídiu po calecuna cosa Sinònimos e contràrios dudosu, duritosu, imbalacau | ctr. securu, tzérrimu Ètimu srd. Tradutziones Frantzesu hésitant, indécis Ingresu wavering Ispagnolu titubeante Italianu esitante, irresoluto, indeciso Tedescu zögernd, unentschlossen.

dudósu , agt: dutosu Definitzione chi no est tanti seguru, chi est in pentzos, ma nau fintzes de cosa chi no si tenet segura Sinònimos e contràrios arredutosu, dubbidosu, imbalacau, meledosu | ctr. securu Frases tocat a cunfessai is pecaus certus po certus e is dudodus po dudosus ◊ si est po mimi, andaus mancai siat cras: est issa chi est dutosa! Ètimu spn. dudoso Tradutziones Frantzesu hésitant Ingresu hesitant, puzzled Ispagnolu titubeante Italianu titubante, perplèsso Tedescu unschlüssig, unsicher.

duritósu , agt Definitzione chi ndhe tenet duritu a fàere o nàrrere calecuna cosa, unu pagu tra bregúngia e arrespetu, chi ndhe dhi paret unu pagu male Sinònimos e contràrios arredutosu, duritadu, lunatzu | ctr. carietadu, ibbregungiau Frases so duritosu a li fagher ispèndhere totu cussu, ca no ndhe podet ◊ s'ómine si est abbizadu chi sas istranzas fint duritosas e guvardas e sentza imbaru las at dimandhadas Ètimu srd. Tradutziones Frantzesu hésitant Ingresu reluctant, hesitating Ispagnolu reacio Italianu restìo, titubante Tedescu befangen, gehemmt.

massimósu , agt Definitzione chi no si paret tanti seguru, chi dhue ponet dúbbiu in is cosas, no si fidat Sinònimos e contràrios dubbiosu, dudosu, meledosu | ctr. securu Frases ses massimosu, no mi cres a su chi ti so nendhe ◊ ndhe so massimosu: no isco si bi l'apo a fàghere ◊ gai za mi fit nendhe, Fulanu, ma deo so massimosu! Tradutziones Frantzesu incertain, indécis, hésitant Ingresu uncertain Ispagnolu incierto Italianu incèrto, insicuro Tedescu unsicher.

meledósu , agt Definitzione chi est o istat in pentzos, a su pentza e torra, pagu seguru Sinònimos e contràrios arredutosu, dubbidosu, dudosu | ctr. securu Frases meledosu mi arreo in sussegu, mi artzudhit solu a su pessamentu Ètimu srd. Tradutziones Frantzesu incertain, indécis, hésitant Ingresu doubtful Ispagnolu incierto Italianu incèrto, titubante Tedescu unsicher, unentschlossen.

«« Torra a chircare