Ditzionàriu in línia
de sa limba e de sa cultura sarda

abeàna , nf: abiana, apiana, apianu 1, piana Definitzione mérula apiana, puzoni birdi o rúndini murinisca, genia de pigione, mannitu (cantu sa meurra), chi si papat s’abe, s’espu e àteros bobboitedhos deosi: in su gúturu est grogo, in bentre est de colore tra birde e asulu gàrrigu; in Sardigna nidat puru (in trèmenes de errios) e a logos dhi narant cocheàchina ca iscocat s'abe in is bíngias in tempus chi s'àghina est coendho Sinònimos e contràrios abiàrgiu, abiarja, abioi, apiaresu, marragau, miàrgiu, pranedha Frases sa lestra abiana faghet catza in s'abialzu Terminologia iscientìfica pzn, merops apiaster Ètimu ltn. apiana Tradutziones Frantzesu guêpier d’Europe Ingresu european bee-eater Ispagnolu abejaruco europeo Italianu mèrope Tedescu Bienenfresser.

abiàrgiu , nm Definitzione chie atendhet o contivígiat casidhos de abe; mérula apiana, puzoni birdi, puzone de santu Giagu o rúndini murinisca, genia de pigione, grogo in su gúturu, cun is alas birdes e papadore de abe Sinònimos e contràrios mojaresu, mojarzu / abeana, abioi, apiaresu, marragau, miàrgiu, pranedha / iscussura Terminologia iscientìfica prf, pzn, merops apiaster Ètimu ltn. apiariu Tradutziones Frantzesu guêpier Ingresu bee-eater Ispagnolu abejaruco Italianu gruccióne Tedescu Bienenzüchter, Bienenfresser.

abiòi , nm: abione Definitzione puzoni birdi o rúndini murinisca, genia de pigione, matucu, chi si papat s'abe, s'espu e bobboitedhos deasi; genia de espu mannu cun alas niedhas o de àteru colore Sinònimos e contràrios abeana, abiàrgiu, abiarja, apiaresu, marragau, miàrgiu, moimoi, pranedha / muscone, spioni 2. at a èssi berus ca fintzas un'abioi podit fai de missu de pensamentus? ◊ un'abioi aintru de domu, isceda chi si portat! ◊ abioi froriu, isceda bona, abioi cun is abas niedhas isceda maba! ◊ matialutzas, abiones e tilipirche sunt in bolu Terminologia iscientìfica pzn, merops apiaster, crp Tradutziones Frantzesu guêpier Ingresu bee-eater Ispagnolu abejaruco Italianu gruccióne Tedescu Bienenfresser.

apiarèsa, apiarésu , nf, nm Definitzione puzoni birdi o rúndini murinisca o isconcamoju, genia de pigione bellu (mannu cantu sa mérula) chi si papat s'abe: a logos dhi narant cocheàchina ca iscocat s'abe in is bíngias in tempus de àghina Sinònimos e contràrios abeana, abiàrgiu, abiarja, abioi, marragau, miàrgiu, pranedha Terminologia iscientìfica pzn, merops apiaster Ètimu srd. Tradutziones Frantzesu guêpier d’Europe Ingresu european bee-eater Ispagnolu abejaruco europeo Italianu mèrope Tedescu gemeiner Bienenfresser.

ghespàgliu, ghespàju, ghespàrgiu, ghespàrju , nm Definitzione niu o tana de espos; laturredhas, guronedhos chi essint a meda in sa pedhe Sinònimos e contràrios esparzu, gespàrgiu Frases cussos traitores giughent su ghespàrgiu in su petus! 3. tocat a che istrajare cussos sordatos chena bulluzare unu ghespaju! Ètimu ltn. *vesparium Tradutziones Frantzesu guêpier Ingresu wasp's nest Ispagnolu avispero Italianu vespàio Tedescu Wespennest, Karbunkel.

marragàu , nm: marragu, marrangau Definitzione mérula apiana, puzoni birdi o rúndini murinisca, genia de pigione, matucu (cantu sa meurra), chi si papat s'abe, s'espe e àteros bobboitedhos deasi: in su gúturu est grogo, in bentre est de colore tra birde e biaitu, in Sardigna nidat puru (in trèmenes de errios) e a logos dhi narant cocheàchina ca iscocat s'abe in is bíngias in tempus de àghina coendho Sinònimos e contràrios abeana, abiàrgiu, abiarja, abioi, apiaresu, caughedhu, maragadhau, miàrgiu, pranedha Frases benenta is marragaus a si papai is abis e dhus pigastus a iscupetadas ◊ isciundi su pitzu, ca ses cumentzendi a fai boxi de marragau! ◊ su marragau est unu pilloni froriu, a pinnias birdis, arrúbias, niedhas, e tenit su bólidu calmu Terminologia iscientìfica pzn, merops apiaster Ètimu ctl. marraco Tradutziones Frantzesu guêpier d’Europe Ingresu european bee-eater Ispagnolu abejaruco europeo Italianu gruccióne, mèrope Tedescu Bienenfresser (gemeiner).