fédu , nm: fedus, fetu Definitzione criadura, su fígiu, is fígios, siat de gente e siat de animales, chentza naschios o fintzes candho funt piticos Sinònimos e contràrios scedu / pisedhina Maneras de nàrrere csn: èssere de primu f. (nau de fémina, de animali) = chi at fatu/angiau su primu fillu; catzare su f. = aurtire, fàghere su fedu chentza lómpidu; èssere de su matessi f. de un'àteru = àere su matessi tempus, èssiri avedalis; dare f. = pònnere sos crabitos a súere; débbili che f. = débbile, díligu meda; mascu de f. = mascru berbeghinu Frases sa crapa anzat a cropa e a bortas fachet tres fedos puru ◊ cust'animale zughiat su fedu mortu in bentre ◊ currendhe a tota fua, s'ebba si giughet fedu ndhe catzat su fedu! 2. zente meda bi aiat riunia: betzos, giòvanos, minores e fedu ◊ tue no ses piús fedu: che ses antzianu! ◊ sendhe fedu benio a inoghe a regòllere sa fruta de cust'àlvure ◊ fais is cosas coment'e su fedu! ◊ su fedu funt in iscola 3. fizu meu est de su fedu de fizu tuo 4. su fedighedhu in bidha est essiu pro fàere s'allelleu pro fàere a pròere Ètimu ltn. fetus Tradutziones Frantzesu embryon, fœtus, enfants Ingresu embryo, fetus, children Ispagnolu feto, prole Italianu embrïóne, fèto, pròle Tedescu Embryo, Fetus, Fötus, Kinder (Pl.), Jungen (Pl.).

fedulíu , nm: fetuliu Definitzione totu su fedu, is pitichedhos, is fígios, sa minudia; piciochedhu minore Sinònimos e contràrios ciuciudhia, crialla, edora, fedana, fedóriu, fegliutina, pibidhia, pipiàglia, pisedhina, pitzinnàglia / creadura, pipiu Frases a betzu fachiat fainas de feduliu ◊ su feduliu est zirellu ◊ a bi ndhe at de feduliu, in cussa domo!… 2. ma ses macacu abberu… chi pianghes pares unu feduliu! Ètimu srd. Tradutziones Frantzesu les petits, les enfants Ingresu children, kids Ispagnolu los pequeños Italianu i piccoli, i bambini Tedescu Kinder (Pl.).

pisedhína , nf Definitzione pipios matucos e piciochedhos Sinònimos e contràrios edora, feduliu, fegliutina, fratamaza, pagina, pibidhia, piciocalla, pitzinnàglia, ratatúglia, rustia / cdh. pipiàglia, stidhina Frases sa pisedhina li ponzeit fatu comente a su preíderu candho essit a betare s'abbasanta ◊ che assiles nois pisedhina lompiaimis a chimas de sa solzaga ◊ bi at acudidu zente manna e pisedhina ◊ sa piata sentza pisedhina paret beranu sentza rundhinedhas Ètimu srd. Tradutziones Frantzesu les enfants Ingresu children Ispagnolu los niños Italianu i bambini Tedescu die Kinder.

«« Torra a chircare