Legenda Incurtzaduras | Legenda Sìmbulos

disisperàdu , pps, agt: disisperau, disperatu Definitzione de disisperare; chi no tenet isperàntzia, chi est a disisperu; nau de logu, chi no dhue at mancu ispera, nudha, chi est unu disisperu / fàghere una cosa a sa disisperada = fai coment'e chi no tengat perunu àteru isperu, a s'airada, a meda Sinònimos e contràrios isarcadu, isporadu / cdh. disispiratu | ctr. animosu, isperanciosu 2. genti disisperada, cantus bortas, ananti de unu fillu mortu a balla, eus pentzau ca no iaus a biri prus festa?! (B.Lobina)◊ de cantu sunt disisperados, ocannu, sos puzones sunt atachendhe a sos olivàrios 3. custu logu est disisperadu, su bestiàmine est a fàmine: no che at ne erba e ne sida! ◊ e ca suta si fut anniada unu muntone de ispudarranza ch'esso currinne a sa disisperada timinne sas punturas dolorosas (P.Zenzero) Tradutziones Frantzesu désespéré Ingresu desperate, despairing, despaired Ispagnolu desesperado Italianu disperato Tedescu verzweifelt.

isconnortàdu , pps, agt: iscunortadu Definitzione de isconnortare; chi no tenet acunnortu; chi ndhe at pérdiu s'isperàntzia Sinònimos e contràrios isarcadu, isporadu / iscréditu 2. sa morte sua nos at lassadu isconnortados ◊ si at postu sas manos in conca, iscunortadu ◊ sa vida passo iscunortada cun sos reziros pro mi annichilare 3. cozubaos vinti chimbe annos, che fudint isconnortaos de tènnere fizos Tradutziones Frantzesu désespéré, abattu, découragé Ingresu discouraged Ispagnolu desanimado, desalentado Italianu sconfortato Tedescu verzagt.

isporàdu , pps, agt: isporau Definitzione de isporare; chi no tenet o chi at pérdiu su pore, su coràgiu, s'ibertu, chi pentzat de no bínchere is dificurtades Sinònimos e contràrios aferrighinzau, isarcadu 2. isporada, no cherjo prus gherrare ◊ como so isporadu e no apo àschida ◊ aite sezis goi isporaos? corazu, azis a bíere chi benies impresse a bos isposare! ◊ sa robba est isporada e istasida dae s'atunzu male poltzedidu ◊ intendhendhe cantu aiat nau su dutore, si ndh'est pesau a cara asseriatzada e unu pacu isporau ◊ it'est custu oriolu chi est forrocandhe s'ànima isporada?! Tradutziones Frantzesu déprimé, éffaré, désespéré, découragé Ingresu daunted, depressed, desperate, discouraged Ispagnolu desanimado, desalentado Italianu deprèsso, sgoménto, disperato, sfiduciato Tedescu niedergedrückt, verzweifelt, verzagt.

«« Torra a chircare