arragiòla , nf: arregiola, arrexola, arrezola, erregiola, ragiolla* Definitzione materiale pranu tostau, prus che àteru a forma retangulare o cuadrada, de terra cota, fatu apostadamente po fàere pomentos Sinònimos e contràrios impiastra, pianella, pranita Frases s'arregiola in cussu tretu de su pamentu est móvia ◊ si at fatu s'aposentu bonu a arregiolas de màrmuri ◊ innoghe mancant is arregiolas de pedra chi isterriant s’istrada Tradutziones Frantzesu carreau Ingresu tile Ispagnolu baldosa Italianu mattonèlla Tedescu Fliese.

impiàstra , nf Definitzione materiale pranu, genia de matone, prus che àteru a forma retangulare o cuadrada, fatu apostadamente po fàere pomentos o fintzes po muros; predighedha ladita po giogare Sinònimos e contràrios arragiola, piastra Frases su pamentu de sos aposentos fit fatu chin impiastras biaitas a chírcios (P.Fogarizzu) Tradutziones Frantzesu carreau Ingresu tile Ispagnolu baldosa Italianu piastrèlla Tedescu Fliese.

òros , nm pl: òrus Definitzione unu de is sinnos de is cartas de giogare, orrúbiu, a bàtoro puntas / aguantadí a òrus! = zoga bene sos oros!; mataoros = su re de oros Frases apo fatu lillu e primera e ses puntos de oros Ètimu ctl., spn. Tradutziones Frantzesu carreau dans les cartes à jouer Ingresu denari (the italian suit card corresponding to diamonds) Ispagnolu oros (palo de la baraja) Italianu danari Tedescu Schelle, Karo.

«« Torra a chircare