Ditzionàriu in línia
de sa limba e de sa cultura sarda

arragiòla , nf: arregiola, arrexola, arrezola, erregiola, ragiolla* Definizione materiale pranu tostau, prus che àteru a forma retangulare o cuadrada, de terra cota, fatu apostadamente po fàere pomentos Sinonimi e contrari impiastra, pianella, pranita Frasi s'arregiola in cussu tretu de su pamentu est móvia ◊ si at fatu s'aposentu bonu a arregiolas de màrmuri ◊ innoghe mancant is arregiolas de pedra chi isterriant s’istrada Traduzioni Francese carreau Inglese tile Spagnolo baldosa Italiano mattonèlla Tedesco Fliese.

impiàstra , nf Definizione materiale pranu, genia de matone, prus che àteru a forma retangulare o cuadrada, fatu apostadamente po fàere pomentos o fintzes po muros; predighedha ladita po giogare Sinonimi e contrari arragiola, piastra Frasi su pamentu de sos aposentos fit fatu chin impiastras biaitas a chírcios (P.Fogarizzu) Traduzioni Francese carreau Inglese tile Spagnolo baldosa Italiano piastrèlla Tedesco Fliese.

òros , nm pl: òrus Definizione unu de is sinnos de is cartas de giogare, orrúbiu, a bàtoro puntas / aguantadí a òrus! = zoga bene sos oros!; mataoros = su re de oros Frasi apo fatu lillu e primera e ses puntos de oros Etimo ctl., spn. Traduzioni Francese carreau dans les cartes à jouer Inglese denari (the italian suit card corresponding to diamonds) Spagnolo oros (palo de la baraja) Italiano danari Tedesco Schelle, Karo.