Legenda Incurtzaduras | Legenda Sìmbulos

bandòne, bandòni, bandóu , nm: bannone, brendoni Definitzione fógliu de metallu, làuna de ferru; istúgiu (botighedhu), istrégiu mannu de làuna, bidone mannu de pastore fintzes de 25. l. po pigare late / pàrrere segadu de su matessi b. = fatu de sa matessi linna, tènniri is matessi calidadis de ccn. Sinònimos e contràrios bote, tambulana / lamedha Frases de bandone faghent sas mesinas pro carrare su late 2. dh'at ghetau aintru de unu bandoni de àliga ◊ ndi at torrau a bogai discus, cardaxus, mussòrgius e bandonis ◊ bendit brendonis, sícias e màrigas ◊ apu pediu agiudu po iscarriai is bandous de su lati Terminologia iscientìfica stz Ètimu itl. bandone Tradutziones Frantzesu boîte Ingresu can, tin Ispagnolu bote, lata Italianu lattina Tedescu Dose.

bòte , nm: botu, boto Definitzione istúgiu no tanti mannu (de làuna, de imbidru, prus che àteru serrau e a fundhu tundhu) po pònnere cosa; in calecunu logu dhu narant in cobertantza a sa natura de sa fémina / min. botaredhu, botedhu, botichedhu Sinònimos e contràrios boeta, lamedha, potu, tolla / testu Maneras de nàrrere csn: genti de bòtu = zente metzana; èssere a cara de boto = légiu?; segai su bòtu = (in cobertantza) irverzinare a una; sonare sos botes a ccn. = leàrelu a befe faghindhe burdellu sonendhe botes; sonare su bote a ccn. = donai una surra Frases s'olia cufetada l'amus posta in botes de bidru ◊ est unu bòtu sena de cobercu ◊ passada su serghestanu cun d-unu bòtu chi ugiat un'istampu e incui sa genti nci betada su dinai ◊ a sa britzicreta si aiat ligatu botedhos meta chi fachiant unu degógliu niedhu ◊ su botighedhu de su tzúcuru dhu tenia prenu prenu 2. cussu est una persona de riguardu e tocat a fai aici, sinuncas porit pentzai chi seus genti de bòtu ◊ malu de vista, fit a cara de boto, però si renniat simpàticu chin totu e aiat amicos meta Sambenados e Provèrbios smb: Botte, Botto Terminologia iscientìfica stz Ètimu spn. bote Tradutziones Frantzesu boîte Ingresu tin Ispagnolu bote, lata Italianu baràttolo di latta Tedescu Dose.

botichédhu , nm Definitzione min. de bote Sinònimos e contràrios botaredhu, botuledhu, lamedhutza Tradutziones Frantzesu petite boîte Ingresu small tin Ispagnolu botito Italianu barattolino Tedescu kleine Dose.

carròcia , nf: corròcia Definitzione una de is duas partes de sa conca a fora (s'àtera est sa cara): s'ossamenta de pitzu; nau de unu, conca maca, conchilébiu / ndi at calau sa corròcia = at abbassiadu sa conca Sinònimos e contràrios carvedhera, concorròcia, corrociola / conchilébiu Frases it'est chi ti pítziat de prus: is ispinas chi intrant fintzas a istampai sa corròcia, o sa traitoria de s'ómini amigu? ◊ aintru de sa carròcia portaus su ciorbedhu Terminologia iscientìfica crn Tradutziones Frantzesu crâne, boîte crânienne Ingresu skull Ispagnolu cráneo Italianu crànio, scàtola crànica Tedescu Schädel.

carvedhèra , nf: cerbedhera, chelvedhera, cherbedhera, chervedhera, ciorbedhera, crebedhera Definitzione sa parte de sa conca cun su crebedhu; su crebedhu bistu po sa capacidade chi tenet; conca pagu giusta Sinònimos e contràrios carbedhu, carròcia / capiola, concadroxa Frases pagu mali ca de cerbedhera soi ancora firmu! ◊ mi parit ca in custu cumunu seis tocandusí de cerbedhera! ◊ sa cerbedhera a cussa edadi fait giogus lègius ◊ cussu ciughet sa chelvedhera prena de abba! ◊ za bos la caentat vene sa chervedhera cussa televisione!…◊ cussu si ca ndhe portat crebedhera! ◊ totu cust'istória mi at fatu benni un'idea maca a sa cerbedhera Terminologia iscientìfica crn Ètimu srd. Tradutziones Frantzesu crâne, boîte crânienne Ingresu skull Ispagnolu cráneo Italianu scàtola crànica, crànio Tedescu Schädel.

iscàtula , nf, nm: iscàtulu, scàtua Definitzione genia de cascita, pruschetotu de cartone (min. -edha ma, segundhu de ite, iscàtula etotu, es. de luminos, de meighina) Maneras de nàrrere csn: zirare, furriare s'i. (in suspu) = ammachiaisí, iscatulaisí; pàrrere essidu dae s'iscàtulu = èssere totu bene postu, bestidu bene Frases bae e comporami un'iscàtula de allumínios! ◊ iscàtulas de cartoni nd'adiat unu muntoni, totu iscàtulas de bruvura 2. zirendhe s'iscàtula ses, chi faghes custos machines?!… Ètimu itl. Tradutziones Frantzesu boîte Ingresu box Ispagnolu caja Italianu scàtola Tedescu Schachtel.

lamèdha , nf Definitzione min. de lama: istrégiu, boto piticu fatu de làuna, pruschetotu de is chi ponent sigillaos e de diferente forma po chistire e bèndhere papares prontos (es. sardina) Sinònimos e contràrios bote, launedha, tolla Frases bendhent sa birra in lamedhas Terminologia iscientìfica stz Tradutziones Frantzesu boîte Ingresu small tin Ispagnolu lata Italianu scatolétta Tedescu kleine Dose.

«« Torra a chircare