abbagliucàre , vrb: abballucare, abbalucare Definitzione pigare a giogu, giogare, ma fintzes cunfúndhere is ideas de no pòdere cumprèndhere, coment'e atontare, incantare Sinònimos e contràrios abbabballocai, abbaucare, bebberecare, imbalaucare, ingiogaciai / abbanghelare, abbengare, abbentai, abberelare, ammodoinai, atolondrai, atontonare, atraucare, isturdinare, scilibriri, stolondrai, stontonai 1 Frases tue faghes a dognunu abbagliucare! Ètimu itl. Tradutziones Frantzesu amuser Ingresu to amuse Ispagnolu entretener Italianu baloccare Tedescu amüsieren.

abbreggulàre , vrb: abbrengulare Definitzione pigare cun abbréngulu Sinònimos e contràrios ciogare, giochitare, imbalai, imballacai, ingiogaciai Frases tzertos ti benint cun dultze carignu, si abbréngulant cun tegus e s'ispassant, però posca as a bídere chi ti lassant! Tradutziones Frantzesu amuser Ingresu to amuse Ispagnolu entretener Italianu trastullare Tedescu unterhalten.

disaviàre , vrb: disilviare, disisviare Definitzione leàresi ccn. ispassu o disaogu, passare ora chentza pentzamentos Sinònimos e contràrios desogai, desviai*, istrabiare 1 Frases fàghemi sonniare, coment'e candho fia de annos friscu, caos de trigumoriscu a mi disaviare! ◊ mi dat piaghere si si bistentaiat, a su mancu disilviat su disgustu (A.D.Migheli)◊ tantu de la disilviare, tenteit de la buglitare Tradutziones Frantzesu amuser Ingresu to amuse Ispagnolu distraer Italianu sollazzare, svagare Tedescu unterhalten (sich).

diveltíre , vrb: divertire Definitzione fàere o istare a divertimentu; nau de dinare e cosa, ispèndhere in divertimentos Sinònimos e contràrios desogai, divèltere, scialai, spassiai, sulassai Frases de coro no mi poto divertire pro ca no mi dat bandha su dolore ◊ no so cantendhe pro leare pannu ca so cantendhe pro mi divertire 2. su chi teniat si l'at divertidu e como li bisonzat! Ètimu itl. Tradutziones Frantzesu amuser Ingresu to amuse Ispagnolu divertir, entretener Italianu divertire Tedescu unterhalten (sich).

giochitàre , vrb: cioghitare, gioghitai, gioghitare, gioghitari, zochitare Definitzione pigare a giogu, istare a giogu Sinònimos e contràrios abbrengulare, agiogatzare, agiogulare, ciogare, giogallitai, imbalai, imballacai, ingiochetare, ingiogaciai, zochillare Frases como ti primmas, posca mi gioghitas! ◊ su pipiu fiat gioghitendi e si boliat cuncordari un'acuiloni ◊ vio mannos e minores giochitandhe Ètimu srd. Tradutziones Frantzesu amuser Ingresu to amuse Ispagnolu divertir, juguetear Italianu trastullare Tedescu unterhalten.

imbalài , vrb Definitzione tratènnere is pipios cun giogos: rfl. istare a giogu che pipios Sinònimos e contràrios abbrengulare, ciogare, giochitare, imballacai, ingiogaciai Ètimu srd. Tradutziones Frantzesu amuser Ingresu to amuse Ispagnolu entretenir Italianu baloccare Tedescu unterhalten.

ingiogaciài , vrb: ingiogassai, ingiogatzai, ingiogatzare Definitzione su si apedhiare a su giogu, istare sèmpere a giogu Sinònimos e contràrios abbrengulare, agiogatzare, agiogulare, ciogare, giochitare, imbalai, ingiochetare Tradutziones Frantzesu amuser, divertir Ingresu to amuse Ispagnolu jugar Italianu trastullare Tedescu tändeln.

sulassài , vrb Definitzione fàere ispassiare, giare acunnortu Sinònimos e contràrios desogai, diveltire, ispassare Tradutziones Frantzesu réjouir, amuser Ingresu to cheer Ispagnolu alegrar Italianu consolare, divertire Tedescu trösten, ergötzen.

«« Torra a chircare