ammonestài , vrb: ammonestare, ammuneltare, manastai Definitzione giare avertimentos Sinònimos e contràrios apretzetai, atibbai, avertire, cossizare Frases bos ammonesto e avrinco: atentos a cussos, no bos betent sa franca! (Limbudu)◊ sas aeras niedhas ammonestant minetendhe temporadas ◊ sa religione ammunestat a tènnere fide, ispera e caridade Ètimu spn. amonestar Tradutziones Frantzesu admonester Ingresu to warn Ispagnolu prevenir Italianu ammonire Tedescu warnen.

apretzetài, apretzetàre , vrb: pertzetare* Definitzione pònnere precetu, giare avertimentos, giare órdines siat po fàere e siat po no fàere calecuna cosa Sinònimos e contràrios abbèrtere, ammonestai, atibbai, impreigare, prenusciare Frases si dh'iu apretzetau, a Filomena, de dhi ponni unu pinnadedhu! (A.Garau)◊ mi at apretzetau de no nai cantus annus tenit ◊ una cosa ti apretzetu: no castis is féminas! ◊ babbu mi adiat apretzetau de m'irdèrghere ca teníamus de pastinare Tradutziones Frantzesu enjoindre, admonester Ingresu to bind over, to admonish Ispagnolu avisar Italianu ammonire, precettare Tedescu warnen, mahnen.

atibbài, atibbàre , vrb: atisbai Definitzione giare avertimentos; pertocare a, èssere a cuncordu cun Sinònimos e contràrios ammonestai, apretzetai, avertire, cossizare / acumentare 2. su chi abbarrat iscritu in custa pàgina atibbat ancora o est de ne bogare? Ètimu spn. atisbar Tradutziones Frantzesu prévenir, admonester Ingresu to inform, to warn Ispagnolu advertir Italianu avvertire, ammonire, collimare Tedescu ermahnen.

«« Torra a chircare