Legenda Abbreviazioni | Legenda Simboli

acolomizàre , vrb Definizione impreare sa cosa chentza ndhe perdimentare, solu su tanti chi bastat Sinonimi e contrari aorrai, arresparmiai, istraviare 1, rinzare | ctr. ispeldisciare Etimo srd. Traduzioni Francese économiser Inglese to economize Spagnolo economizar Italiano economizzare Tedesco sparen.

ammerchinzàre , vrb Definizione istare o giare a merchinziu, a míndhigu, tropu pagu Sinonimi e contrari musunzare, susuncai Frasi li at ammerchinzadu fintzas su pane Traduzioni Francese lésiner Inglese to skimp (on) Spagnolo escatimar Italiano lesinare Tedesco sparen mit.

aorrài, aorràre , vrb: aurrare Definizione ispèndhere o impreare sa cosa cantu prus pagu; incungiare, arregòllere; fintzes rfl., arrisparmiare, fàere a mancu de un'isfortzu, de fàere cosa Sinonimi e contrari acolomizare, arresparmiai, avitare, cadeliare, istraviare 1, sparagnai | ctr. ispèndhere, sperditziai Frasi in custas camineras sunt passados sos antigos nostros aurrendhe annos a mizas ◊ isse a chie est dignu li aorrat su sustentu e a sa zente istrotzina la tratat bene ◊ aòrrami sos rimpròveros chi mi daes! 2. chena sa terra no podes campare ca dae sa terra vives e aorras (P.P.Fois) Etimo spn. Traduzioni Francese économiser Inglese to economize Spagnolo ahorrar Italiano risparmiare Tedesco sparen.

aórru , nm: aurru Definizione su aorrare, sa cosa chistia, cosa chentza ispéndhia o chentza impreada Sinonimi e contrari economia, rispàrmiu, sparagnu, stràviu | ctr. istrubberia, sperdítziu Frasi a sa teraca l'intreghesit aorros suos e de sa pobidha ◊ sonniaia incunzas in aurru ◊ cun sos aorros suos comporesit unu servu ◊ cussos ant fatu aorros mannos ◊ sa domo chi si at fatu est frutu de trabàgliu e de aorru Etimo spn. Traduzioni Francese économie, gain Inglese saving Spagnolo ahorro Italiano rispàrmio Tedesco Sparen.

avitàre , vrb: ovitare, vitai Definizione fàere avitu, cricare de no ispèndhere o consumare meda, manigiare a régula sa cosa Sinonimi e contrari acolomizare, aorrai, arresparmiai, istraviare 1, rinzare | ctr. perdimentare, sparafiai, sperditziai Frasi pro mi avitare un'iscudu isto finas mesu nudu ◊ avita a sos minores s'atreghentu! ◊ avito de nàrrere custas cosas pro no brigare ◊ pro avitare lughe bogaiat su binu a s'iscuru ◊ no ti ndhe faghes mancu sa birgonza: de faedhare gai ti ndhe avita! (Còntene)◊ sa vida a minnanna no li aiat avitadu própiu nudha Traduzioni Francese économiser, éviter Inglese to save (up), to avoid Spagnolo ahorrar Italiano risparmiare, evitare Tedesco sparen, vermeiden.

avítu , nm Definizione su avitare; su manigiare is cosas a régula, chentza ndhe perdimentare, chentza ndhe pònnere e ne ispèndhere prus de su chi serbit / fàghere a. Sinonimi e contrari aorru, economizu, rispàrmiu, stràviu | ctr. burrúsciu 1, disperdíssiu, istrubberia, sperdítziu Frasi s'avitu est siendha Etimo srd. Traduzioni Francese économie, gain Inglese saving Spagnolo ahorro Italiano rispàrmio Tedesco Sparen.

reprammiàre , vrb: arresparmiai, risparmiai, risparmiare, rispramiare Definizione ispèndhere prus pagu, pònnere o impreare prus pagu cosa Sinonimi e contrari acolomizare, aorrai, avitare, findigare, istraviare 1, spramiai | ctr. perdimentare, sperditziai Frasi chie si rispàrmiat sa vida sua l'at a pèrdere! (Ev) Traduzioni Francese économiser Inglese to save (up) Spagnolo ahorrar Italiano risparmiare Tedesco sparen.

«« Cerca di nuovo